منهمن يشتري شرفي 24
الخيبات المتتالية أطفئتني .
سهير رائد ..
ميادة .. ما تفاجئت من قرار غادة بترك الشغل اعرفها متحب تكون بمكان يسبب الها الأذيه ..
بعد ماتركتها يومين ترتاح واحنه بالبيت اتفقنا محد يسألها ليش تركتي وشبيج لان نعرف السبب يونس .
بليل حجتلي كلشي السوته وي يونس فرحتني من راحت بنص جماعته مرزلته وطالعه ..
اجانه خالد كال بس أرفع كاشي ذاك البيت نشيل لان كاشيـة كلش تعبان ..
حوراء كالتله اذا كاشي مبيه شي عادي خلينه نكعد بالطابق الفوك منا لمن تكمله المهم نطلع منا .
كال راح ارتب الفوك ونشيل بيه والجوة نرممه ..
...
رحت للشغل بعد ماخابرني اياد .
ومناك رحت لبيت جدو عارف اشوفه واسلم عليه .
جان عدهم خطار يعني كمعزين الهم ..
اجت ام اياد اللي نظراتها حقد واحتقار اليه حسستني عبالك مسوية جريمه ..
سلمت على جدو عارف وطلعت ..
للمحل جنت حيل ضايجة ..
اياد جان هم ضايج سألني شبيج ميادةة.
كتله شوف امك ونظراته اليه محبيتها .
كال معليج الايام تغييرها وكلشي يصير لصالحنه .
ميادة . صفنت عليه ..
اياد . شبيج ؟
ميادة. انت صدك تحبني؟
اياد . والله اعز من روحي .
ميادة . بس مو اعز من امك ورضاها ..
اني مو اضعف من غادة تركت كلشي حتى تكسب راحة بالها وتحس براحه؟
اياد . شنو مفتهمت !
ميادة . لاتفتهم احسن . بس يمكن يوم من الايام راح تلكه الحب الحقيقي بغيري ؟
اياد . مستحيل احب غيرج شنو شبيج شو كلامج ممفهوم .
يحجي بعصبيه وحديه
ميادة . اني بعد ماكدر اشتغل تؤمي مريضة واني ماكدر اشتغل واعيش الحب واختي مو سعيدة.
اياد . دراما التؤام عوفيه شلج بيها هاااي اختج مو سعيدة وانتي هم لازم تكونين مو سعيدة مثلها..
ميادة . مراح تفهم هذا الشعور ابد .. اني رغبتي بالشغل انعدمت وهاي اخر لحظات اليه اني شفت جدو عارف وسلمت عليه ومن يهدا بلغه بقرار . وانت اياد اتمنالك حياة سعيدة وحب واني احس اللي دتمر بيه هو مرحلة تقارب مو حب حقيقي ..
اياد . شنو شبيج ميادة .
ميادة . مبيه شي سلامتك . راح افتقدك وراح اذكرك بكلشي حلو بحياتي . وكفت كباله وبيدي جنطتي . اشوفك بخير دائما . مع السلامه فتحت الباب وطلعت جريت نفس طويل وحسرة .
اياد صااح ميادة وطلع وكف بالباب واجوا زبائن من المحل البصفنه هو دخل وياهم جنت واكفه نظرة اخيرة اودعه واودع المكان الحلو الحبيته الشفت بيه اشكال الناس ..
نزلت بس دمعه وحدة احسها على اياد ..
اني واثقه من حب اياد اليه ويتمنى رضاي ويتمنى اكون اله اليوم قبل باجر .
بس امه! الحاجز البينه ماريد يكسر كلب امه علمودي يمكن اني اكدر اجبر روحي وانساااه اذا كدرت بس امه تبقى مكسورة بسببي حتى حياتي مراح اتوفق بيها بسببها وسبب عدم رضاها.
دك تلفوني واني بالكيا ؟
جاوبت ونزلت بعد شارع عن بيتنا .
اياد . حبيتي انتي شبيج وين رحتي ،؟
