مَن يشتري شرفي21
-ثم قست على قلبها وتركت كل ما ظنت انه سيسعدها ، وبالله استعانت والى الله مضت .
سهير رائد.
ميادة .. شكد احب ام خالد بيوم التجينه نتونس وياها كلامها حلو اهتمامها
احسد خالد واخوانه وجناينها عليها . من كمنا نخلي المسواك ماكفت الثلاجه .
كالت الا مجمدة يمة خويلد روح جيب مجمدة غراضكم تخيس !
كلها الظهر من ارجع من الشغل .
كالتله اليوم اروح وياك .
كلها هلا بيج .حملت وي ابنها وراحت .
سألت حوراء . شنو شفتي بعيالج من رحتي حياتها شلونهم .
حوراء حلوة حياتهم
ناس خلوقه ولد خير ابد ما توقعت حياتهم هيج يعني اني رحت ليلة بيوم كل ضني بالطريق بيوتهم خراب وطين وكلت يجوز مثل الخان .
بيت الحجية يخبل جبير وبيت ولدها بصفها كله سيراميك وكاشي صح هم قرية بس خير من الله تحسينهم مرتبين كلش وامبين حالتهم زينه اصلا اني كلما اريد اسأل خالد ليش ميحب هناك يعيش مبين اخوته مرتاحه انسى .
هما امبين ولد خير من لبسهم وسياراتهم هذا اخو سيارته اخر موديل .
حوراء . اي هما يحبون السيارات طلعت الصبح شوفتي خالد بيوتهم كلها سيارات ...
الله يرزقهم ويحفظهم ..
حوراء . گلبي نار على غادة الليل منمته والله العظيم .
اني هم بقيت اباوع عليهه للصبح گلبي محروك عليها .
حوراء . اتمنى اكلة اكل .
ياريت لو بينه حظ نكتله موووت ونفوخ گلوبنه .
حوراء . شافها ماعدها اخ ولا ابن ولا اهل بيهم حظ واستقوى عليها النذل .
ميادة . خلينه نصعد نحاول نكعدها نزلها خطيه .
صعدنا اني وحوراء لكيناها كاعده مرتجية على الحايط ومخليه ايدها على راسها وصافنه وجهه مورم وجوة عينها ازرك تخووووف متنا عليها من القهر كعدنا يمها
حوراء شلونج غادة هسة زينه شوكت كعدتي .
مجاوبتنا .
مروج صارلها ساعه هاي كعدتها حجيت وياها محجت ساكته يمكن بعدها بصدمة .
حوراء . سودة عليها يااخيتي وكامت تلطم على وجهه
غادة . كافي حوراء البية كافيني لا تلطمين اللطم ميفيد.
حوراء . ولج شنسوووي ولج شيبرد كلبي اروح اخلي السجينه بگلبه يجوز ارتاااح .
مرووج منو شكو؟
غادة . ماكو شي اشش حوراء انزلن جوا عوفني وحدي ماريد صووت .
ميادة كومي غسلي وبدلي واتريكي حتى ننطيج علاج الكتبه الدكتور .
ماريد كلشي
بس عوفني بحالي ..
غمزتلي حوراء . يلاميادة كومي نسوي غدة لخالتي ام خالدعيب .
...
غادة . يمكن منطيني منوم لان واني اتوجع نمت ماعرف من الالم نمت بس گلبي وعقلي منايمات ..
كعدت افكر واعيد كلشي بلبارحة والقبلها والقبلها شنو اللي صار مني خلاه هيج يفكر ومتأكد من كلامه من يحجي اني عندي علاقه قذرة وي عادل؟!
