مَـن يَـشتري شَرفي 12
أنا امرأة لـ عَزيمتها سبعةُ أرواح ،
كلما خذلها أحدهم أزداد دافعُها إلى النجاح .
سهير رائد ..
ام خالد . يخاله خويلد اجاني من هذاك اليوم گلي يمه اعرف بنية خوش بنيه سباعية شريفه هيج حبيبه تشتغل بمكتب فلوس يمه . وشفت عدها اخت كلش عجبتني فقيرة مؤدبة وهم مثل حالتي منفصلة وعدها ولد واني رايدها بلحلال وهنا يتامى لا ام لا ابو لا اخو وكاسرات خاطرة ..
غادة . ينطي العافية والنعم من خالد رغم معرفتي بيه سطحية بس وگفاته وياي جبيرة
ام خالد . الجبير الله يمه انتي شسمج انساااه
غادة خاله اسمي غادة.
ام خالد . يسترج الله . ايي خاله هو كلي هيج ماجذب عليج مارضيت اخطبله وحدة ماعرفها وحگي هذا اني ام واحاف على وليدي من بنات بغداد وهو طول عمرة هاااوي ياخذل من بغداد
.بصلاة الليل ولزمت سبحتي استخاريت اول مرة زينه ثاني مرة زينه ثالث مرة زينه . صحت اختج سهيلة ولج سهيلة دگيلي على خويلد من هذا اليخابر ودكتلي كتله يمه عود تعال اخذني اشوف البت العجبتك كال يمه البنت متزين راسها اختها بالعمليات وحال الظيم حالهن . واني كلت ويلا يربي جا مايرتاحن عود من تطلع اخذني اتحمد الله على السلامه واشوف هاي الخذت عقلك واليوم اجاني من الصبح جابني لهينا حتى مالحكت اجيبلجن خبيزات نخض اللبنه ..
تسلمين خاله والله متعبةروحج وهلا بيج ومرحبا .
ام خالد . هو الاذان وذن
لا بعدلة ربع ساعه .
ام خالد . دليني ادخل الخلا واتوضى واصلي لله
صحت مروج تاخذها لان حوراء تطبخ ومخبوصه ..
خالد يتزوج حوراء !!
يونس يعرف ومگايلي معقولة اسمعها تسولف وي حوراء ضحكت كلت عجوز والجنة طبعا حوراء ماتعرف شي المرية تحجي بس وياي بالموضوع ..
اجت حوراء فرشت الها سجادة الصلاة والمرية شكد تصلي حسيت البركة بيتنه دخلت وتدعي وتسبح وترجع تصلي .
كمت لحوراء .
ها بشري .
اي كملت كلشي وهم صلاتها طولت خلت الاكل استوى زين بس تلم السجادة اني افرش السفرة .
شسويتي.
حوراء . الموجود اصلا جنت طابخة مرگة شجر وحمص .
وتمن
وجبت دجاجه طبختها تشريب وگليتها وحشوة فوك التمن ولبن وخضرة وزلاطه وعدنا فاكهه اقدم وياها .. بعد هذا الموجود .
غادة . خير من الله روحي عاشت إيدج ..
حوراء وانتي العايشة انتي اكلي وياها اني هنا ومروج وعبد الله ..
غادة . لا كلنه نكعد على سفرة وحدة.
حوراء .خاف عيب ؟
لا ماكو عيب راجعة اتمدد شو بطني دتأذيني وانت شوية وفرشي السفرة هيا اكيد حتخلص
