من يشتري شرفي23
انا أحبَك بطريقة ما حَب بيها إنسان
و أهجرَك و كأنَك ما چنت بعيني بيوم ..
سهير رائد.
....
ميادة ..
خالد ركض يصيح عبد الله وطلع برا المستشفى واني بقيت ادور بالطوارى واصيح ياناس طفل عمرة بالست سنوات مشفتوه ..
كم شاب كام يدور ويايه رجعت يم مروج ارجف وبطني وجعتني موتتني من الخوف لا كلشي ولا عبودي يصير عليه شي ياربي اليوم هواااي عليه قابلين بوكعت مروج وحوراء بس عبد الله لا ياربي اريدة منك ررررربي ..
الكل كام يسولف خطيه طفل وياهم وي ابوة وضاع
واسمع اليكول يمعود يجوز انخطف وراح .
واحد يسولف للثاني شلون ياخذوهم للشمال يبعونهم تجارة اعضاء ساعه كاملة مرت لاخالد ولاعبد الله لاكدر اروح لحوراء ولاتلفون عندي ..
شوية وكعدت مرووج تكول راسي راسي ديأذيني
كمت الها سلامتج مروجه حبيبتي خطاج الشر .
مروج شبيه اني .
ولج هبوط ضغط وسكر ليش هبطتيني عليج .
مروج . وهاي الدموووع عليه ؟
ايي لعد شلون .
شوية واجه خالد شايل عبد الله
هاا شلونها مرووج .
صحت وين لكيته .اباوع لخالد عيونه مدمعات !
معقولة تبجي على عبد الله .
نزل عبد الله كلة روح لمروج دوس بطنها خل تصحى .
خالد . دورت المستشفى والشارع وكلت للحرس وخابرتني حوراء تكلي شلون تخلي عبد الله يجيلي وحدة ويبجي يريد ماما وكوة خلوة يدخل عليه .
من رحت جبته منها طلعته اليه المعينه كمت ابجي عليه يكلي ماما هنا مريضه خاف تموت اريد ابقى يمها تموت مثل بيبي بعد ماتكعد .
خلاني ابجي ويااااه .
صح طفل بس بذاكرته كلشي امي من تمرضت ونداويها والمغذيات ومن ماتت وحتى المكان شلون اندل امه اني هسة يمكن من اروح اتهيه المكان مو بسهولة
.
رحت حضنته وبوسته يمه عبوداتي شلون لوصاير بية شي اني هذا اللي انومة بحضني اوكله ادلعه اوووي فدوة شكد احبه مشمش..
...غادة ..
سمعت صوت يونس!! ماكدرت او ماتجراءت ادير وجهي احس الخوف والعرك ماعرف من الخياط لو من وجودة
المضمد تفضل .؟
لا اني وي خطيبتي!!!!!!
اريد ابلع ريگي ماككدر كعد وراي بالقنفه لزم ايدي
متت خوووف جسمي كام يرجف منه
الممرضة . لاتخافين كملت سهلة وخلصت والحمد لله ..
يونس . لا هيا شجاعة ..
احس صوته مقرررف وقبيح مثل ايدة ونفسه قذر ..
لفتها بسرعه كمت لبست جنطتي .
يونس شكد تؤمر . اني بخطف طلعت من العيادة والمجمع ركض للشارع واول تكسي وكفتلي صعدت .
اباوع ليورة والرجال شبيج عمو منو وياااج.
عمو يردون مرية ماعرفها تركض وراي .
خبصت الرجاال خبص وصلني للبيت شمرت عليه فلوس ونزلت ركض لكيت خالد والبنات كلها كاعده بالباب!!
ومروج شاده كانولةومغذي لازمته مياده.
حوراء هم شاده كانوله
