مَـن يَشـتري شرفي 6
مَحطات التعَب كُلها ، أني !
سهير رائد.
ميادة .. اني ليش خابرت غادة وكتلها يجوز ترجع قبلها ونفهم وين جانت اوووووف غبيه اني
غاده عاايزة خوف وقلق كاافي التعب البيه هيـا حتى بطنها متشبعها من ورانه ..
عبد الله كلسااع يگول وين ماما
هسة حتجي راحت للطبيب .
اتأخرت فوك تلاثه وطلعت وكفت بالباب ماعرف ليش المهم بلكي تجي واشوفها .
ما اشوف الا غادة دخلت بهمة وسرعه صاااحت هااا
كتلها لا ماكووو واني گلبي يلعب لعب من ردة فعلها .
غادة. وين راحت هل الغبية هاااي من الصبح لهسة
ميادة . اهدي وادخلي ارتاحي وتجي وين تروح هيا مو صغيرة
غادة . ادري مو مصخمة صغيرة بس هيا ثووولة وبصراحة اني اخاف عليها لحد مقشمرها بأسم الحب .
ميادة . من حقها تحب وتنحب هيا عدها مشاعر وشناقصها بس وين تلكه هذا التكولين عنه لاتلفون ولاطلعه من يوم الرجعت واطلكت ما واصله باب الشاررع .. تعالي ادخلي وارتاحي .. ياراحه ياميادة هو هذا العمر بيه راحه كله تعب بقهر بطيحان حظ ..
ميادة . فدوة دخلي هسة تجي هل الخبله ..
غادة باوعت لراس الدربونه كالت خرررب بالحظ ذول شجابهم
ميادة باوعت ولد شايلين جرباية مدري شنو صفح منو ؟
غادة . يونس ورحمن شجايبن ؟ هسة وكتهم خرب حظي اي والله ..
ميادة تقرربوا علينه وجان واحد منهم يضحك واحد معصب بس يباوووعون بوجوهنا من تقربوا
سلموا علينه كال واحد منهم خلينه ندخلها
غادة . شنو هاااي ؟؟؟!!!!
رحمن . انتي منوووو؟
وهاااي منو
ميادة ضحكت اني ميادة وهاي غادة انت اللي منو رحمن لو يونس .
رحمن اني يونس بس صدك انتو منو غادة وينج ويضحك
غادة اني غادة اكيد تعرفني لتقشمر روحك بعدني بملابسي وهاي تؤاامي ميادة
يونس . سبحان الله ماكو فرق والله
ميادة . لا اكو اني اطول من غيده بس هااي شنو بيدكم
غادة خزرتها .
ميادة اسفه اسفه .
رحمن . حتى على اختج تخاف منج مو بس اني
يونس . هاي سرير معاقين للوالدة تاجر تبرع بيها من هسة اكلج ندخلها لو تبقى بالشاررع .
ميادة . اي دخلوها شايفنه عضلات مثلكم
تعالوا دخلوها
فتحت الباب
هما كالوا يالله ودخلوا لبيتنا الكسيف جدآ جدآ اني كلش استحيت منه ومن الحيطان والسكف بس غادة جانت عاادي .
