من يشتري شرفي 30
لقد أهلكت تماماً ولكني لااعرف طريقاً اخر سوى الكتمان ..
سهير رائد ..
ميادة . رسائل يونس تخوف كلها قتل وتهديد لغادة .
كمت ارجف من اقراهن بسرعه نزلت لخالد .
لكيته نايم خطيه بالهول عفته .
لاكتني حوراء .
تعاي ميادة .
هااا حوراء .
شكو شصاير وضامين عليه ..
ميادة . ماكو شي شضامين عليج .
حوراء . شبيها غادة؟
ميادة . صفنت عليها
حوراء . شبيها غادة شصاير عليها؟
ميادة . مابيها شي بس البارحة عمها كايل الها تعالي وياي للمكتب ورايحة وخايفة لايشوفها يونس ويسويلهم شي .
حوراء . وشنو شيسوي وليش هل الخوف وشعلي بيها .
ميادة . يونس عرف ومتخبل شلون تزوج ودزلي رسائل تهديد الها .
حوراء . ييمه صخام بوجهج حوراء بس لا يسوي سالفة على غادة المكرودة وماتتهنى بحياتها سودة عليه يااختي يامسكينه .
بقت حوراء دك وتلطم وتبجي .
سمعها خالد . ولج حويرة شبيج تنوحين.
حوراء . اكعد خالد انت نايم شهامك وهذا صاحبك الكواد يريد يهجم بيت اختي .
خالد . خرب ابليسجن ماتنظم عدجن سالفه ميادة بسرعة عاجل عاجل .
ميادة . ايي شسوي والله ماعرف الا احجيلها ولكيت يونس دازلي رسايل تهديد ؟
خالد . منين يعرف رقمج؟
ميادة . من زمان يعرفه .
خالد . ذوفيني شداز . اخذ الموبايل قراء .
كال لاتردين . وراح اخذ موبايلج .
ميادة . هااا بكلببي خرب حظي بيه صور اياد ومحادثاتنه خرب
..
خالد لو اكلج سويلهن سكرين ودزيهن اليه خل انشوف هذا وين نوصل وياااه استغفر الله شنو شايف روحه .
حوراء . خالد فدوة اروحلك اهم شي غادة ماتدري ولاتتاثر ما صدكت اختي تعيش مرتاحه وتتزوج شنو من حظ عدها .
خالد . عوزج ملاية وتكابلج حو حوو دكاافي ..
ميادة . والله حقك حوراء شكد تبجي شلون متحملها ..
خالد . خالد شسوي كلبي ماينطيني احبها
حوراء . اي الحمى تجي من الرجلين . وكامت زعلت ضحكنه عليها وهو خطيه راح وراها ركض يراضيها ..
دزيت سكرينات لخالد وهو سبح وبدل وطلع ..
°°°
غادة .. نظفت الكزاز وجريت الميز والبلازما ..
غسلت وبدلت وكعدت بغرفتي
احس القهر ماكلني اكل راسي على عيوني .اختنكت من كلشي ..
اجه عادل دخل للغرفة فزيت من شفته ..
