مَـن يَشـري شرفي 5
مدرسة عظيمة هذه الحياه ، كل خطأ فيه درس وكُل درس فيه عَبرة ، وكُل عبرة فيها إرادة
وكُل أرادة فيها نجاح .
الحياة كلها لحظة
حزن .. ألم .. سعادة .. أمل .. فرح .. نجاح .فشل
نلهث وراء لحظة ..
نحزن على لحظة ..
نتقاتل من أجل لحظة ..
ثم نجد أنفسنا خارجها في لحظة.
سهير رائد
........
ميادة .. ركضنا على ماما جانت ترجف وحلكها موغف
غااادة انطيني ملتبسي لبست ملابسها وحذائها شمرت الشال
واخذت مروج وراحت بهل الليل ..
ماقبلت حتى تاخذ التلفون كالت اني اخابركم من الناس .
غادة. الدنيا ضاگت بعيني ماحب طلعت الليل بس مجبورة كلش شلتها ومروج تركض قبلي وكفت تكسي
واخذانها للمستشفى للطوارئ حالتها تعبانه بقينا للصبح اني ومروج . . شرحت للطبيب حالتها دخلها عناية مركزة تعبانه كلـش جانت الظهر طلبت من الناس تلفون خابرت ميادة كتلها حضريلي ملابس نجي نسبح ونرجع على السريع وحضري روووحج تجين وياي ..
مروج جوعانه واني جوعانه اخذت تكسي ورجعت للبيت بسرعه سبحت واكلت لكمة المغرب كتلها روحي اني حوراء فقيرة وتخاف بليل وانتي اشجعهن روحي انطيتها فلوس ورجعت وظل بالي عليها هم خابرتهم من الناس المارة وصلت اطمأنيت ثاني يوووم طلعني الدكتور اخذتها ورجعت للبيت وشلتها على جتفي شمرتها من رأس الدربونه للبيت وصلت قريب على البيت اشوف واحد واكف يباوع بالدربونه علل البيوت جنت تعبانه عرگانه جوعانه عيوني تغوووش هذا يووونس السبع ؟
هو التفت علية اجه من شافني
وصلت للباب هو واكف كباله
يونس . الله يساعدج منو امج
ايي هلو بس وخر باب البيت انت
دكيت الباب طلعت ميادة تلگتني شالتها دخلتها نيمتها
ميادة غير تخابرين والكايج بالفرع
ظهري انكسر جريت نفس گوة ..
رحت غسلت وجهي عدلت روحي طلعت ليونس ؟
واكف بنهاية الخااان
يونس . الله يساعدج .
شكرا خير شعندك بفرعنا .
يونس . ابو علي خبصني عليج روح شوفها وعلى العنوان اجيت .
والله بلكي باجر اداوم امي كولش تعبانه حالتها وجنت مدخلتها بالعناية وهسة طلعوني والبنات ميدبرنها يطلعن وحدهن بالمستشفيات
يونس . الله عليج محتاجه شي غير تگلينه نساعدج نجي نأخذها وين متردين عدنا سيارات ومعارف يعني هسة انتي من شايلتها وتفترين والله صعبة
يعني وين اگللكم والله حتى نسيت الشغل والله عيب من عمو قاسم . وعلى ماما متعودة عليها دائما من توكع اشيلها واركض لراس الشارع
