مَـن يَـشتري شــرفـي

مَـن يَـشتـري شرفي 3

مَـن يَـشتري شرفي 3

تثقلك الأيام بالهموم وتنتظر من يزحها عنك .. يقول الامام علي عليه السلام .. لو كان الفقر رجلا لقتله ..

سهير رائد ..

ميادة .. كعدت سويت بياض بيضة لاامي بدون ملح وانطيته الها وي جااي مر وانطيتها العلاج

سألتني غادة وين راحت؟

والله ياماما ماعرف بليل گالتلي رايحة افتر الاماكن القريبة يعني مخابز مطاعم اسواق واي شي اشتغل ..

ماما . اني ماكدر لغادة بس اني مقابله على هاي الطلعه بنية شابه حلوة تطلع تفتر بين الزلم اذا على اللكمة هنا الخمسة يوصلن للحلك بأي طريقه وبأي شي ناكلة .

بس ماما شلون بله نبقى نباووع على ابو البيت من يفگدنا بالاسبوع بكليو طماطة وبصل

ماما . انعم الله عليه

ميادة . طبعا انعم الله عليه وجزاءه الله خير الجزاء منو مفتكدنا من من شهرين حتى الاربعين ماسويناه ولا احد دك بابنا اخوج لو عمي لا محد غيرة جاب الثواب وإجه الرجال ..

ماما . الكطع عمل شيطان اوصيج اليوم بية نفس وباجر لا
اختج حوراء مسكينه لاتكطعن بيها انتن والزمن عليها
مروج لاتكطعن بيها اني اعرفج انتي وغيده هيا مرات تسمي غادة غيدة سبعات وحنينات وتتحملن المسؤولية بس خواتجن هل هلا بيهن يبقن يباوع بالطرف على مرت الحبايب هذا عمري من اسمع بااهلي گلبي يفز وهما مدري شغيرهم مدري الوكت مدري الگلوب ماتت والله ماعرف شغيرهم وشخشن گلوبهم عمرنا اني وابوج ماحجينه الا بالكلمة الدافية وياهم ومايوم طلبنه شي
خوالج تذكرينهم ياكلون اشكال والوان من اروح الهم واني البس حجابي واطلع قبل ليصبون اكول خاف يكولون
فگر وخاف تحسد نعمتنه واطلع بسرعه ومافديوم اخذتجن وخليتجن تاكلن ولاطلبت شي واني وابوج مرت بينه ايام شديت بطني بيها من الجوووع وابوج جان مريض ..

ميادة .. كاافي ماما كلشي اعرف ليس تهيجين المواجع ..

لا هاي المواجع تنطيج دروس للوكت وتعلمج تصيرين سبعة والكطع اللي تشوفينه عند اهلج اريدجن بيناتجن اتخلنه صله وصله للموت وحنينات واللكمه الوحدة توزعنها بين حلوكجن
اني شفت من جابت غادة الكباب والمعلاك انتي شلون توكلين باابن حوراء وبمروج وغادة توكل بختها ولفة تسويلي ومااكلتن هنا حسيت انتن كد المسؤولية وتحبن خواتجن وماتفكرن بس بروحجن هيج ابقن يمه ..

ميادة باقين شعدنا غير بعض .. بس اني گلبي على غادة مثل النار وين راحت وشلون ادبرها احنه مطالعات بس للمدرسة شلون تندل وترجع والله مااعرف ..

ندك الباب بصوووت هادء ؟

كلت هذا يجوز الرجال يحيبلنه مسواك فتحت الباب

حوراء واكفه بالحايط الكبال بابنا وبيدها ابنها هاااااا

حوراء . تبجي ادخل لو تكتلني