مَن يَشتري شرفي 20
لم أعد أتفاجىء، أصبحت أتوقع أي شيء، من أي أحد، في أي وقت، ولا أبالي...
سهير رائد .
ميادة . بعد هاي هيا ارجع لشغلي بس شلون حوراء منو يساعدها؟
ايي بليل اساعدها بالاكدر عليه وخالد الصبح وهيا شطورة .
وخالد موجود ميتركها هذا رزقهم راح يتعبون عليه اكيد بس تجي غادة احجي وياها وارجع .
..
ميادة.
خلصت كلشي اني وابو علي وطلعت صدك وتذكرت اني ماعندي فلوس هم شلون ارجع لابو علي عيب ضحكت على روحي ومشيت شكد
خابرت خالد الحك عليه ماعندي فلوس ودامشي والدنيا ليل
والله اجاني هو وعبد الله .
..
كالعادة اوصل جنازة نسولف شوية نتعشى اناااااااام .
بس اجتني ميادة كالت اني راح ارجع خابرني جدو عارف من الهند گال أرجعي
لا لاترجعين ممنوع
ميادة . ليشش مو هو الرجال كال راح امنع اي واحد من اقاربنا يدخل للمحل
اني مو على الرجال ممنوع ترجعين تشتغلين وي اياد
ميادة . ليش وشمعنى
شمعنى المعنى انتي تحبينه وهو يحبج واخاف عليج لان انتي ضعيفة من داخلج افتهمتي .
ميادة . لا مفتهمت وماريد افتهم وشغلي وراجعتله .
غادة . ماكو رجعه لو بعد لتحجين ويايه .
ميادة . لفيت راسي ونمت وقراري ارجع ما اتراجع عنه .
.غادة ..
رحت للدوام واني متأكدة ميادةةتروح لشغلها لاكدر احجي لحوراء تمنعها عيب من خالد ..
هم شيكول شعدهن .
ولا اكدر ابقى اليوم واخذ اجازة شغلي ماكدر اعوفه ماصدكت رجع المكتب للشغل..
تلاكينه اني ويونس بنص السوك وجه الوجه هو بسرعة دار وجه وراح بغير طريق!!
الصدك انقهرت من تصرفه وياي والله اني احبه واريدة بس هو معقد عليه الامور ومتغيرة تصرفاته كلش .المصيبة كلساع بالي واذا انساه من اشوف السوار البيدي اتذكرة لو من اطلع موبايلي اتذكرة .
اني ممقدمتله شي لازم اشتريلة هدية زينه وحلوة واحاول اتفاهم ويااااه منا لمن يخطبي على قولته الله كريم ..
اليوم بالشغل . اجه همام وعادل وابوهم . بس ضايجين كلش من الصبح عادل وابوة يمكن متعاركين .
بس همام يحاول يلطف الجو
همام شكد حباب ويكسر خاطري معاق وعربانته احس هذا مو مكانه ولاكعدته وشاطر كلش. احب من يجي يمي يسألني شلونج شخبارج
ويتشاقى وياي على الشغل .. احب تواجدة هوااايه ..
عكس تواجد عادل ماعرف اتضايق من يجي ..للظهر الحجي كال غداكم عليه . اني ابقى هنا اصلي وعادل يروح يجيب غده وهمام بابا تريد تبقى تريد تروح خاف تعبت
همام كال اروووح لان تعبت
طلعوا هو وعادل الحلو بيهم عادل هواي حريص على اخوة ويهتم بيه حتى مرات انتبه يجيبلة جاي يجيبله مي كدامة هو الاصغر منه .
يقربله الطبله يفرله العربانه اذا حشرت هيا عرباتنه على الريموت جبيرة.
بقينا اني وابو علي والحجي ابو عادل
ابو علي شخيرك ابو عادل اليوم مو تمام وضعك .
