من يشتري شرفي35
" اوكف يازمن "..!
غادة . كلشي اختلف في حياتي وحياة عائلة ابو عادل بعد ما حبلت بالحفيد الاول ليل نهار يسولفون بولي العهد القادم ..
الحب والاهتمام . والتقدير وهما امانة لله يحبوني من اول لحظة دخلت لبيتهم .يعاملوني بما يرضي الله .بس بعد الحمل ورجوع ابو عادل لصحته وممارسة عملة هواي اشياء بدات تتغير او ل شي هو طلك الصغيرة خطيه . وثاني شي قرر يفلش البيت ويعيد بنائة لان البيت قديم ومعدلين بيه عدهم حديقة كلش جبيرة والبيت بناء قديمو وصغير جدا جان معاند يغيرة يكلهم المن ؟ وهاي الكلمه هواي جانت مدمرة حياتهم المن وعلى شنو نشتغل ونركض والفلوس الى من تبقى بـس بعد زراعه الامل بقلوبهم كل تفكيرهم تغيير .
طلع البيت البصفهم الهم وبيه مؤجر بيت مساحته اصغر .
قرروا يطلعون المؤجر ووننتقل بيه وهذا البيت اتفقوا وي مقاول يفلشة ويبني خلال فترة 6اشهر بعمل مستمر ليل نهار . والصوت العمل من الفجر لليل كلش تعبني ماكو راحه ابد غرفتي اللي انطونياها فوك الشباك على البيت الجبير وكلة براسي الدك وكلام العماله بزعت روحي بس جنت اسكت ..
اني بالسونار طلع بيه ولد . وهنا حتى الاكل كام عادل ميخليني اكل اي شي اذا حار او بيه حلا يكول خاف تتأذين !!
احس نفسي بسجن لاطب ولاطلع ولا اطلع برا اتمنى اكعد بالشمس ممنوع ميقبل وهم اجفى وابتعد عن الكلام مالته ..بنهاية شهر الثامن حسب السونار اني بعدلي ايام وادخل التاسع ..
نزلت حيل تعبانه ماعرف روحي طالعه متضايفة بطني جبيرة كوة اكوم كوة اكعد والاهم من كل هذا نفسيتي ماعرف شبيهه
وصلت يم غرفة ام عادل دائما من اتعب اروح الها تبقى تسويلي مساج لمتوني ولايدي خطية .
عادل يمها . اسمعه يكول يمه يعني شلون غير اريد افتهم شلون نسبتي كلش ضعيفة وشلون هيا حامل اني من حقي افتهم .
ام عادل . عااادل كلمرة اكلك قدرت ربك اكبر من كلشي وربك جبر بخاطرك والبنية حبلت .
عادل . ونعم بالله بس اني احاول اقتنع ماكدر احاول امشي الامور ماكدر اني هم تعبت من التفكير اشوف غادة انقهر البنية من كل النواحي درة مالت الله ومتحملتني ومن افكر بنسبتي وشلون حامل و(منين) اتخبل ماكدر راااح تخبل رسمي.مرات والله اشك بكلشي
اني سمعته هيج اني احس جسمي كلة يرجف بقووووة
بعد ما كدرت اسكت دموعي خذلتني بجيت قبل لا احجي دخلت عليهم .
ام عادل غادة شبيج .
شبيه بية مرض بيه قهر
متحملته ومتحملة كلشي منه وتالي يكول منين حاااامل لامرة ولامرتين واسكت بس لهنا وكااافي.
عادل . اشش صوتج غادة مو عليج .
لااا عليه وكلشي سمعت وراح اريحك اي مو منك لان انت مو رجال واثق من نفسه حتى الله يرزقه .
ضربني بس على كيف مو بقوة .
اضرررررب بس اتحداك تضرب بطني لان هذا البطني هووو راااح يخليك تمشي ومدنك من الله وعباد الله بس اجيب اطلكني وبيني وبينك المحاكم وخصيمك الله يوم القيامة ياعادل
