من يشتري شرفي..
"مشيتُ في الحياة ،
بدافع الرحمَة ، بدافع الحُب
دائمًا
وهبتُ قلبي ."
سهير ر ائد ..
ميادة . اليوم غادة عدها موعد غرامي الله شكد فرحانه اليوم يونس عزمها على غدة اوووف شكد حلو الحب شوكت احب وانحب ويعزمني ويكلي احبج ويبن من خلال افعاله ومواقفه هو يحبج مثل يونس كل افعاله ونظراته تبين الحب تجااه غادة مو حوري .
حوراء . كاافي انلصمي مو عيب هل الكلام كدام عبد الله وتأخرت غادة بالسبعه هسة وهيا ماكو ومن الخمسة كالت ساعه واجي .
ميادة . اي عوفيها براحتها شعندج وياااها يحجون يسولفون بس هسة يمكن انهظم الاكل مالت الغده يجوز راااح يتعشون ..
حوراء . اني ماقابله على هل الطلعه ابد لان عيب يشوفها احد شيكول.
ميادة. خل اليكول يگول براحته غادة ماكو احسن منها بالاخلاق والشرف .
حوراء . مشكلتج انت متسرعه بالكلام . احنه مجتمع مايقبل بهيج طلعات اثنين بدون ثالث وبلا رابط ولا خطوبة واذا حب شنو هو الحب علمود البنية تطلع وي حبيبها وين عايشين احنه .
ميادة . كلشي تغير حوراء انتي بالبيت ماتشوفين اللي نشوفه يجون يشترون لحبيباتهم ذهب ورد وطلعات وطبات بعلم الاهل..
حوراء . الله يبعدنا احنه ماعدنا احد عدنا بس شرفنا وسمعتنا لا تغرجن الحياة البرة هواااااي ...
....غادة .. شفت عادل بعد ربع ساعه من المسج .
بس مهتميت بقيت اكل واسولف وي يونس ..
طلبنه جااي وبقينه على كيفنا كاعدين .
يونس . مكلتي شكد محول العار ؟
نص مليون دولار .
يونس . بوووووويه صدك لو تتشاقين ..
يي والله
يونس . بس والله ضربه للمكتب ..
سمعت همام يگلة ربح مال شهرين ..
يونس . اي طبعا هاي الداخل والخارج اكثر واكثر اني محتار هما
لاهمام يتزوج ولاعادل يخلف المن تشتغلون .
ليش المن يشتغلون كل انسان حر بعمله حتى لوكان هو اخر وريث ..
يونس . بس كون عادل ينكسر خشمه وابوة يطيح حظة ..
رزلة رزاله حلوة ومرتبه تشفيت بيه هيج مي بارد وكع على گلبي رغم كلش مقهورة على الحجي وهم هذا المكتب مصدر رزقي ..
عادل كبالي بااربع طاولات يشرب نركيله وينفخ ويباوع علينـة . ولاعبالك مسوي شي طبيعي ..
خلصنه وطلعنه كال تعالي نروح نشوف شكو ماكو هنا بالمول ..
اول مرة ادخل لمول .. كلشي غاالي .. اخذت بس سترة وبنطرون اليه وشالات اثنين ..
وطلعنه اخذنه حلويات ورجعنا للبيت . طلعه حلوة اتونست بيها غيرت جوووو ..
دخلت للبيت افتح بالباب
