مَـن يَـشتري شــرفـي

مَن يَشتري شرفي 15

مَن يَشتري شرفي 15

يتجاوزُ الشخص ،
أيامهُ البائِسة ..
ولحظاته المُوحِشة ..
( بِـكلمةٍ حَنُونةٍ واحِدة ) .

سهير ر ائد ....

.....
ميادة . كل شي تغير من ذاك اليوم اللي اياد لمس ايدي متعمد
كمت اخاااف حيل من عندة ومن الكل اللي بالقيصرية
عدت شريط الايام بالشغل
مافد يوم مسولفه وي الشباب ولاضاحكة كلامي وياهم فقط من يدزني جدو عاارف اجيب ذهب او فلوس .
وأياد؟؟!!!!!!
اياد اثكل واحد بالقيصرية كلها لايسولف وي الزبونات ولايضحك ساكت ويشتغل . ثكيل جدآ ومرتب واخلاق يعني اني احترمه كلش لان يختلف بس مال يلزم ايدي ومتقصد لا لا كلش واكفه شسامع عليه ؟ ..
المشكله انـي اخاف احجي لخواتي اخاف يرزلني واخاف من غادة تجبرني اترك الشغل..

گمت حتى اخذ غداي وياي اخلي حوراء تسويلي اي شي من العشاء بصمونه واخذها وياي واكلها وقت الغدا حتى ابقى بالمحل والجاي يمنه عدنا هيتر ونسوي للحجي .. التواليت ما روح الا بوجود جدو عارف .. حتى ما اباوع على محلهم اخاف ....

غادة . . وكف بمكان بعيد جدآ مااعرفه بيوت بعيدة شارع عااام .. بقيت ساكته وهو هم يدخن ومطلع ايد من الجامه ..باوعت للساعه قاربت الخمسة وثلث !!

غادة . شنو يونس حاب تحجي تفضفض ؟!!

يونس . . اي بس ماعرف شحجي !!

غادة .. الله يساعدك فرااق الأحبه صعب ..

يونس . هااي اختي الصغيرة جانت روح امي ابوي وهيا من صغرها مو بنت دنيا ابد لا والله اخلاقها متدينه حبابة اي خطا بحياتها ماعدها تدرين قبل خواتي الكبار لبست حجاب وجانت تروح وي امي وابوي زيارت حج عمرة من وزعت الورث حقها ماقبلت تأخذه كالت اني ماريد الا سلامتك واشوفك عريس ومخلف وتمشي عدل وتصير رجال يترحمون لاامي وابوي من وراك مايسبوهم !!
اتزوجت انسان مثلها سبحان الله الطيبون للطيبات .
جر حسره وكمل

ماخلفت ولحد هسة ماعرفنا سبب عدم خلفتها من جنت اسألها ها شوكت اصير خالو لجهال زنوبة
تكول .. ارادة الله هيا الاقوى تخليك تصير خالو لو متخليك .
جنت ماافتهم شتكول
تكول . اعمارنا كصيرة عليمن نكضيها بالقيل والقال والكطع والابتعاد عن الله .. جانت تجيلي كلشهر بالبيت هنا تنظف تطبخلي وتبقى تصلي ليل نهار
اگلها وج كافي صلاة مو صليتي الواجبه
كاافي صلاه .
تكول هيا الباقية ..
اكلها عمرج طويا وتخلصينها صلاة تكول شمدريك باجر تكعد عايش ضامن رووحك ..

ماجنت اعرف هااي رسائل لعمرها الكصير كلنه غافلين عن هاي الحياة .. لو اني ميت ولا زينب ..

غادة .. الله يرحمها هذا يومها وكل واحد بينه الـه يومه الله يرحمها كالت ضامن روحك ؟
محد ضامن روحه بأي لحظة يفارق هاي الحياة ومأساتها ..

يونس . شغل السيارة ولاف ورجعنه نفس طريقنه للبيت بدون كلام .. عبالك مثل الضاج من كلامي!! هم كتله مع السلامة ونزلت للبيت ..اني مستغربه من ردة فعله اني مكلت شي غلط اساء لاخته الله يرحمها!!