من يشتري شرفي .36
لافرحة تدوووم
سهير رائد
هااا يعني مجاي علية استاذ اياد . خوش .
حوراء . ايي هو كايل لخالد جاي يطمئن على غادة من مخابر عادل يباركلة لاكي بالمستشفى وغادة كلش تعبانه .
ميادة . يلا بالطكاك ..
حوراء . اييي هذا نهاية الحووووووب .
صعدت فوك . لزمت الملزمة واقراء بكل تركيز حتى مافكر بااياد .
صعد عبد الله كال مشمشة اياد يريدج يكول صيح ميادة .
روح كوله ميادة نايمه . ومالها خلك ومتريد تشوفك .
نزل يركض صعدت حوراء ولج طايحة الحظ موعيب تكولين هيج لعبد الله الاثول اللي راح كدامه كايله تكول اطلع برا ميادة متريد تشوفك واني ماحبك خليت مشمشة تجينه تبجي .
اوووي فديت ابن اختي بس هو اخذ حقي منه والله كلكم تجاملون بس عبد الله سندي ضلعي .ما ضاع تعبي عليك ياعبودي ماضاعت التربية .
حوراء . ولج انزلي خالد راح يفلش البيت عليه انزلي اجفي الشر .
ميادة . مو هذا اياد الجنتي تكليلي ميريدج
حوراء . جذب اضحك على عقلج الصغير الولد كاعد جوا انزلي تفاهمي وياااه بس بشرط رجعه لبيت اهله ماكو رجعه لان مالج مكان بيه وامه متريدج ..
يعني لو عزال لو ماكو حددي حياتج من هسة لاتتساهلين على حساب كرامتج ومعلومة خليها ببالج العمة اذا دخلت الجنة غصب عنها راح تحقد عليج اكثر واكثر حتى لو صرتي خدامة جوا رجليها فليش تجيبن الهم والوجع الراس لروحج وليش تخلين المشاكل مستمرة ويمكن تتحول بين الولد وامه من هسة اطويها ولاطويلها..
ميادة . اي والله كلامج مضبوط ..لازم اضبة من هسة .
حوراء . تهي بهي ديلا نزلي ..
نزلت جوا رتبت نفسي ودخلت للاستقبال . سلمت وكعدت .
طلع خالد بسرعه .
اياد . شلونج حبي ميودة .
زينه الحمد لله .؟ فد ضجت من شفته تذكرت من ضربني وطردني وهم مسافر يتونس
. شو قفل وجهي وصعد الكأبه بهل اللحظة .
اياد . شلونج بالامتحانات .
زينه .
اياد . شنو شوكت حابه ترجعين وياي علبيت مشتاقلج ؟
منو كلك ارجع الك ؟!..
اياد . اهون عليج .
ايي عادي مثل ماهنت عليك وضربتني وطردتني وخليتني اطلع وحدي بالشارع!
حالة عصبية وشلون يعني اروح اتعارك وي امي غير انتي زوجتي وتتحملين من احجي اعصب او امد ايدي .
لا مااتحملك لان اني مجايه من الشارع حتة تسويني مكفخة وتمد ايدك عليه وتطردني بلاسبب وبدون ما تعرف السالفه .
اياد . هاا هيج الكلام . لعد اذا انتي تجين وتشوفين امج ملخة نفسها وتكول زوجج تجاوز عليه شتسوين .
