مَـن يَـشتري شرفي 4
حلووه من تتعب
تحس عمرك حلال.
سهير رائد..
ميادة .. بقيت اباوع عليها من تمشي بالدربونة تمشي بفرح عبالك فراشه ودتطير فرحانه ووجها متغير صارلها يومين تجي تسولفلي عن كلشي يصير وياها وحتى تسولفلي شلون تغسل التواليت وهيا فرحانه وتضحك وتبقى تحجيلي لحد ماتغفى رجعت تمددت وافكر بيها لازم تغيـر ملابسها
جببنه قديمة وهم ما كبار مو مال عمرنا هيا شابه وحلوة ومن حقها تكشخ بس تجي اليوم اگلها تحاول كل اسبوع تجيب قطعه جديدة تفرح بيها..
معدلها 97 منو تطلع هيج معدل بدون دروس خصوصية وعايشة بمكان تعيس وتعيش ظروف قاهرنا غيرنا
فرحتي بالمعدل جانت عاديه جـدا عكس قبل شهرين بوقت ما بابا عااش وانطاني الامل بالدراسة ..
لبست جبتي وحجابي واخذت خمسة المصرف اجيب ربع كيمر وصتني غادة بليل هوااي وحلفتني اجيب كيمر اضوكهم وجبت مربى جزر بخمسمية علبتين وكاهي وحدة بالف جبيرة..
خليتهن بجدر الخبز
سودة عليه غادة تريد تعوضهم وتوكلهم كلشي يحبونه
نزعت ورحت تمددت
اباوع على حوراء نايمه وابنها بحضنها اتزوجت بعمر16سنة خلصت ثالث وطلعت معدل بالثالث 90 وجانت شاااطرة وذكية بس العوز خله بابا يزوجها لاول واحد يدك الباب بدون ميسأل عليه جان من الظاهر كامل ومكتمل وحيد امه وامة موظفه وبيت عدهم وخير من الله بس دواخلهم جانوا ناس جاحدين وحوش عاملوها بوحشية والولد طلع يشرب وبعدين حول مخدرات ومحد يدري من عدنا ومن حجت لماما كالت الها اسرار بيت شلون تحجين على ابو ابنج
وجااانت تحاول تمنع الحمل منه مرة ثانية وتبلع حب منع الحمل بالسر لمدة سنين ولمن كشفتها عمتها موتتها تموت .. حوراء فقيرة فاهية بالمواقف والكلام بس شاطرة بالنظافه والبيت والطبخ .بس فاهية بالدفاع عن نفسها كدامهم هيج نااس يرادلهم عين گوية توكع كبالهم وتفگس عيونهم من يهجمون عليها رااح يحسبولها الف حساب .
مروج الصغيرة .. مراهقة بس جاي توعى بشكل جبير ماتقارن نفسها بالاخرين من البس والاكل والصرف تقهرني مرات من تكول وياي بنات يوميتهن الفين دينار وكلشي يشترن
دائما اني وغادة ننطيها الربع اللي ينطي النه بابا الله يرحمه
ونحاول اذا نشتري شي نخليها تلبسه او نفرحها بالسنه مرة بحاجه . ساكته دائما تحب الدراسة بشغف عدها طموووووح عالي واتمنى هذا الطموح يتحقق وما ينزل من العلو مالته الا بالتحقيق والنجاح والوصول لااعلى المراتب .
بعدني كاااعده واشوووف عكرب ثاني طلع كمت كتلته
وكعدت حوراء كتلها ريگي ماما من تكعد واني راح انام الليل منايمته كله ..
غادة .
وصلت هلمرة قبل الموعد بنص ساعة الشارع بعده بس عمال ينزلون بالمحلات هيا جبيرة مال جملة اغلبها .
دخلت الربونه فاااارغه كلش خفت
كعدت باب المكت جو الكاميرا واباوع يمنه ويسره خايفة ماعرف ليش
دخلت بالفرع دراجه اني كمت ارجف مارفعت راااسي
غمضت عيوني اردد ربي والله خايفة
