من يشتري شرفي19
كَن كما تريد وليس كما يريدون !.
سهير رائد ...
...................
ميادة .ركضنا على عبد الله خان وجها احمر ومختنك ميتنفس شلته وركضت على الشارع وراي غادة ماعرف وين اروح بس لبيت يونس .
دكيت الباب بقوة طلع يونس بسرعه .
شكووووو
ميادة . ماعرف شكو بيه عبود
يونس . بس اجيب السويج
ميادة عفية بسرعه .
غادة لبست شال وحذاء على السريع ركضت وراها ميادة ماتعرف وين تروووح بيه ركضت على بيت يونس .
يونس شاله وطلع يركض لسيارته وقبل لايوصل للسيارة اشوفه وكف وبقى ينكت بيه ويضرب على ضهرة مثل اليخنگ بيه
غادة . شدسوووي يووونس حتخنگه وادفع بيده بقوة
شوية وشهك عبودي
جر نفس وباوع علينه
شالته ميادة يمه فدوة حبيبي مابيك شي
عبود اي بس منا يوجعني يقصد على بلعومة
يونس . شنو هاي الحاشرة بله دنگ بالكاع
طلعت مساحته الدفتر مال مروج
ميادة ولك اثول عبالك حامض حلو حرب حظك هسة لوميت
يونس . بيوم عرس امه غير خالد ينجعص ينكتل وجهه فكر
ميادة . اي والله مشكور يونس ماعرف شلون ارد جمايلك مشكور والله يحفظك .
شالت عبدلله ورجعت للبيت تمشي
اني كلشي ماكدرت احجي لان ارجف كلش .
يونس . شبيج ترا مابيه شي امبين مختنك بشي .
ماعرف خفت عبالي ميت الحمد لله والشكر الحمد لله والشكر .. يلا اترخص منك اروح .
يونس لزم ايدي احس جف ايده حااار اوكفي ماكو شكرا .
سحبت ايدي شكرا الك . وبعد لاتلزم ايدي
يونس . هيا لزمت ايد ممسوي شي ..
غادة . عندك لزمت ايدي سهلة يجوز لازم هوااايه اني لااااا .
خليت ومشيت حسيته يستفزني ..
لاگتني ميادة شبيج.
غادة . هذا يونس شنو شايفني ادبسزز يريد يلزم ايدي واسكت اله حضرت جنابه.
ميادة . عبالي شمسووووي !! وضحكت
غادة . لزمتها من ايدها بقووووة ليش انتي الظاهر تخلين اياد يلزم ايدج واكثر مووووووو بصوت عالي .
ميادة . لا لا والله وروح بابا وماما ابد ممسوين شي
غادة . لااا امبين من ردج اكو شي اكبر واكثر؟
ميادة . لا والله ماكو شي مجرد كلام وبسسسس فدوة عوفيني وجعتيني .
غادة . دفعتها بقوة وكعتها ورحت كعدت . افكر اكول معقول كلشي ديتغير بهذا العالم اذا الحبيب يلزم ايد حبيته وبالشارع يعني عااادي هيا عااادي لو الناس تغيرات كامت متخجل ولا تستحي اشو ماما الله يرحمها عمرها ماشفناها تتسامر وي بابا لو لازمة ايده لو يتغزلون حتى كلمن ينام بمكان ! وحتى يمكن تقربهم كان بس وقت ماهيا تحبل بينه !! لان هيا كلش جانت تخجل منه .
بس هسة اسم الله يكولون هيا لزمة ايد ؛!!
