سَيف ذو الفقار .. هوَ سيف الامام عَليّ
اللي نزل من السماء .. نَزلة المَلك جبرائيل
على النبي مُحمد و ذِكر انُ هذا السيف مُنزل من رَب العالمين مخصوص لـ أميـر المؤمنين
ومن بعده يتورث لـ اولاده و احفادة الأئمة المَعصومين ..
ليش سُمي ذو الفقار ؟
سُمي سيف الامام عَلي بـ ذو الفقار
لان جان يُفقر اللي ينضرب بي
الامام محمد الباقر " عَليه السَلام " يگول عَن سيف الامام عَليّ :(ما ضُرِب فيه احدٌ مِن خلق الله إلا وافقرهُ الله في الدُنيا والآخره )
وهذا السيف حَسب كُل الروايات
حاليًا موجود عند الامام المَهدي " عجل الله فرجهُ وقدم الله مخرجهُ "
الامام عَليّ " عَليه السَلام " اله هواي مُعجزات عَجيبة اغلب البَشر ما يصدكهـا
لكن هوَّ امام مَعصوم بفضل رَب العالميّن كُلشي يتهيئله
من معجزاته جان يحارب الجِن
راح تكلولي شلون ؟
بيوم من الايام الرسول يتمشى يم وادي صاير بين الجبال
بهذا الوقت نزل عَلية الوحي وبلغه
انُ اكو مجموعة كفار من الجِن دا تحاول تأذيك
وهاي المجموعه موجوده بـ هذا الوادي
فـ راح الامام عَليّ ويا ١٠٠ شخص لهذا الوادي
واول ما وصلوا للوادي حسو بـ رياح قوية
يعني عبالك عاصفة
اللي ويا امير المؤمنين عَ يرون هذا الموقف ويكولون
من گد ما جانت الرياح قوية ما كدرنا نثبت بـ أماكنا الا عَليّ ابن ابي طالب ظَل ثابت
لحد ما صار بوسط العاصفه الصارت
يكول " أنا عَليّ ابن ابي طالِب وصي رَسول الله وإبن عَمهِ إثبتوا إن شئتم "
من سمعوا گلام الاميـر عَليّ رأسًا بعدها ظهروا على شِگل مظاهِر غريبة .. الهم ايدين مشتعلة مِن نار
ونهزموا و دخلو لـ داخل الوادي
لحكهم أمير المؤمنين لداخل الوادي
و ظَل يهمس بـ ايات من القرآن الگريم
واللي ويا يكولون سمعنه صوت ذو الفقار سيف عَليّ وهوَ يقاتل
لحد ما صار يطلع دُخان اسود من داخل الوادي
فـ قاتلهم أمير المؤمنين و خَرج مُنتصرًا
" مُهلِك الجان "
شگد اسطورة مَولاي فدوة لـ إسمك
لو اكتب واقرأ اني وتقرأون انتم عن امير المؤمنين منا لِـ الف سنة و سنة ما راح نكدر نوافِي حَقة
اكو حديث عَن الامام الصادق " عَليه السلام " يكول :
( عِندما اجتمعت الملائكة وسلمت على النَبي ثم قالت : يا مُحمد گيف أخوك ؟
فقال الرسول : بخير
فقالت الملائكة : فـ إن ادركتهُ فـ إقرأهُ مِنا السَلام
فقال النَبي : اتعرفونه ؟
فقالوا : گيف لا نعرفهُ وقد آخذ الله عَز وجَل ميثاقَك وميثاقهُ مِنا وإننا نُصلي عَليكَ وعليه )
تعرفون منو اللي سألت عَليه المَلائكة ؟
هوَ الامام عَلي إبن أبي طالب
هوَ اخو النَبي و روح النَبي و نَفسه
الامام عَلي عَ بحر الـ ٢٨ حَرف ما توصفه
بحر كُلش جبير من الكلام والفضل والحُب والحَنان والمُعجزات
