عُذرًا مَولاي عُذرًا يا صاحِب الزَمان
من بعد كُل الاذى والمُعاناة اللي عاناها و تأذه مِنها الامام الكاظم " عليه السلام "
قَرر هارون الرَشيد يقتله عَن طريق وضع السم في الاكل
وفعلًا أُمر السِندي انُ ينطي للامام تَمُر مَسموم
فـ حط السم بالتمر ونطا للامام الكاظم " عليه السلام " وهوَ أكل منهن عشر تَمرات
والسندي واكف يباوع عليه وبهاي اللحظه گال : زُد على ذلك … يعني يريد الامام ياكل اكثر
فـ هنا الامام الكاظم " عليه السلام " گال : حَسبُكَ قَد بُلِغتُ ما تَحتاج إليه
بمعنى عرفت التردون تسوو وعرفت هالتَمُر اللي اكلته مَسموم
وفِعلًا من بَعدها إستشهد الامام موسى ابن جَعفر الكاظم روحي فداه مَظلوم ومَسموم 💔
٢٥ / رجب / ١٨٣هـ
بـ سجون هارون الرَشيد والسِندي لعنهم الله
مو بس هيج لا
هنا أُمَر هارون الرَشيد بعد ما شاف الامام استشهد انُ يطلعوا ويشمروا على جِسر بـ بغداد جوه الشمس ومَمنوع احد يشيله ويتقرب عليه
وظَل غَريب و بَعيد عن احبابه ومَحد يمه حتى بعد ما استشهد
تخيل حفيد الرسول وعَلي الكرار والبَتول وابنهم و حَبيبهم ومن اولياء الله ومن الأئِمه المَعصومين هيج يصير بي ….
مِن بَعدهـا اندفن الامام الكاظم " عَليه السلام " بـ بغداد بـ مَدينة الكاظمية
وهنـا لُقِبَ بـ " أسَد بَغداد "
خِسر ابو جعفر واولاده وهارون الرشيد و السندي وكُل من شارك بـ عذاب الامام وراحت سُلطتهم واندثروا والعالم لحد هَسه تلعن بيهم
و اللهم العنهم حتى ترضى الزَهراء وابيها وبَعلها وبَنيها ….
وامامنا الكاظم صار فوك الالف سنة من استشهد لكن هوَ لحد هسه جمرته محييه بـ مُهَجنا و بـ قلوبنا و مقامه وضريحة اللي ملايين العالم تزوره و كرامةً من الله اله ايضًا صارَ " باب الحوائِج " واللي عندة حاجة يدعي رب العالمين بـحق الامام الكاظم … وتنقضي حاجته
السلامُ على سيدتي ومولاتي فاطمة وأبيها وبَعلها وبَنيها والصلاة والسلامُ على مُحمد وآلِ مُحمد اجمعين
ولعن الله ظالمين ومُعذبين وسالبين حَق نبينا مُحَمد وآلِ مُحمد ….
السلامُ على الامام المظلوم الغريب المسموم
اللهُم بلغهُ عنا تحية حُبٍ وموالاةٍ وسَلام
السلام عليك يا سيدي ومولاي موسى ابن جعفر ورحمة الله وبركاته
انا ابرئ الى الله من اعداؤك واتقرب الى الله بـ موالاتك فـ صلى الله عَليك وعلى ابائك واجدادك وابنائك واتباعك ومُحبيك ….
