المُهم من توجه الحُسين نحو كربلاء وصارت معركة الطف جان للسيده زينب دور كلش جبير بـ المعركة جانت تعتني بلاطفال والنساء وجانت السَند للحُسين هيَ اللي تشد عضده وتواسي بكُلشي
بحيث الحُسين كُل ما يموت احد من اولاده واصحابة يجي لخيمتها وهي اللي تواسي وتنطي من صبرها
السيدة زينب جانت علاقتها كُلش حلوة وقوية و وثيقة بلامام العباس لانُ نولد على ايدها وهي اللي ربته ويا مولاتي ام البنين هي اللي تعلمه و تربي وياها لحد ما كُبر فـ متعلقه بي تعلق كُلش جبير بكلشي وياها الامام العَباس حتى من جانت تكعد بخيمتها هوَ يضل بباب الخيمه خاف تحتاج شي تريد شي يتفقدها
فـ من استشهد گافِلها واخوها و روحها الامام العَباس 💔 و وصل خبر استشهاده الها هنا انكسرت وتأذت وطاحت الكُبرى حزنت حِزن جبير وهي تتذكر كلامه اللي كاله الها جان ضايق صَدره واجاها قبل لا يروح يحاربهم وكال الها بـ حزن عارِم " أُخيه زَينب سامحيني "
سامحيني راح اعوفج بس مو بيدي لخاطر الحُسين سامحيني ما راح ارافقج بعد ما راح اكعد كبال خيمتج ما راح اتفقدج سامحيني چي راح استشهد واني گافلج سامحيني بس اريد اجيبلكم الماي اريد ارويج انتِ واطفال الحُسين
واذا ما اجيت واستشهدت قبل لا اجيبلكم الماي اطلبي من سُكينة تسامحني لان ما قضيت حاجتها وجبتلها الماي الطُلبته مني
السَلام على العَقيله زَينَب وكافِلُها ابا الفضل العباس 💔
جانت عدها اولاد عون وجعفر اعتقد همَ اللي شاركو بالمعركة ونقتلو قبل الحُسين ما حزنت عليهم بكد ما حزنت ع الامام العَباس
وحتى حزنها جانت تخجل تظهره كدام الامام الحُسين
فـ هوَ من شاف اولادها ماتو كدامها راح الها حظنها وباس راسها يطلب العُذر منها
انُ اولادها ماتو فِداء اله لكن هي ما ظهرت حزنها وجانت تكُله " فداك نور عيوني " وتظل تشد عضده وتصبره وتقوي كُلشي يهون عدها الا تشوف ابا عبدالله حَزين
من استشهد عَلي الاكبر ابن الامام الحُسين " قَطيع الرماح والسيوف " هنا الامام تدمر جان نفس الحُسين هو ابنه علي الاكبر روح الامام الحُسين هوَ علي الاكبر هوَ اول اولاده واشبههم بالرسول هنا هوَ تمدد بصفه حظنه يريد يشيله
فـ كال " بُني عَلي على الدنُيا بعدك العَفا "
يعني شلي بـ دنيا انتَ ما بيها ما اريدها
فـ السيدة زَينب من درت طلعت ركض من خيمتها حزينه تنادي
واحبيباه وابن اخاااه
الامام الحُسين بس شافها وسمع صوتها كام رأسًا نظرلها گ انُ يكللها شطلعج من الخيمه خويه زينب ؟
هي من نظرتله وشافت حُزنه كالتله اواسيك نور عيوني
فـ جان رَد الامام الحُسين الها
شكد عزيز عَليه علي لكن سِترُكِ وخِدرُكِ أعزُ عَليَّ مِن ولدي عَلي
شكد الحُسين يحب السَيدة زَينب " عليهم السلام " لعد؟
دخيلك مَولاي دَخيلك يا ابا عبدالله الحُسين
