فـ قبل استشهاد الامام الحُسين من اجا يودع بناته ونساءه واخته السيدة زينب عَ كاللهم اريدكم تحظرون نفسكم لكلشي راح يصير بيكم فـ هم تعجبو وتسائلوو شنو الراح يصير ؟
من سئلوا جاوبهم الامام " إني اراكم قريبًا گ العبيد يسوقونكم امامَ الرِكاب "
يعني راح يسبوكم ويعتقلوكم ويأذوكم
من بعد كلامة طلع من مُخيم العقيله زينب وراح الهم لحد ما استشهد الامام الحُسين بيوم العاشر من مُحرم
استشهد ابن عَلي والبَتول وحَفيد الرسول 💔
استشهد سيد الشُهداء ابا عبدالله الحُسين وخلانا نموت الف موته كُل ما يمر بينا طاريه وكُل ما نمر بـ يوم استشهاده ونسمع بي
اللهُم العن قَتلة الحُسين
مر الوقت و رجعلهم الميمون اللي هوَ الفرس الخاص بالحُسين
من شافو خالي ومَحني عرفو الحُسين استشهد
تدمرو النساء ومنهم السيدة زينب هنا انتهت وتدمرت الحُسين اخوها ونور عيونها وحياتها وسندها اللي رافقها من ولادتها لحد هذا يومها
استشهد وتركها وحيدة
طلعت تدور عليه روحها تريده
تريد اخوها رادت تروحله وصار كبالها عُمر ابن سعد لعنه الله تريد تروح للحُسين وتطلب منهم بس يدلوها وينه ؟
ما يخلوها وما يردون عليها ابد
لحد ما راحت للصحراء تمشي ساعه يسار ساعه يمين ومره تكوم ومره توكع تريد بس تلكى الحُسين
لحد ما لكت الحُسين ممد ع الرمال متأذي كُلش وجانت الروح بعدها بي كعدت يمه وظلت تحاجي وما يكدر يجاوبها
لحد ما حلفته وكالتله
" اخي بحق جدي رسول الله الا ما كلمتني "
هنا الامام الحُسين روحي فِداه كلمها بصوت ضعيف جدًا " أُخيه زَينب كسرتي قلبي وزدتني كُربًا على كُرَبي "
فـ اثناء ما داتحاجي اجتها ضربه على ضهرها بعدتها عنه وسمعت صوت شخص يكللها " تنحي عنهُ والا الحقتكي به "
التفتت عليه وشافته الشمر لعنهُ الله جاي يريد يقطع رأس الحُسين
كالتله " لا اتنحى عنهُ ان ذبحته فـ اذبحني قبلهُ "
فـ لزمها ودفعها عنه وكال " والله ان اقتربتي عليه لضربت عنقكِ بالسيف "
وين الحُسين والعَباس شصار بالسيدة زَينب من بعد عينهم يلزمها ويدفعها الشِمر لعنهُ الله
هاي وين صايره وياهو اليقبلها ؟؟؟
دا اواجه صعوبه وكلبي دينعصر وصدري ديضيق شلون راح اكتب الموقف الجاي ما اعرف والله العظيم صعب صعب عليه هواي
شلون اكتب واني ابچيييي وانوح ع المُصيبه ؟
عُذرًا مَولاي عُذرًا يا صاحب الزَمان 💔
