زواج الامام الحسن العسكري السيدة نرجس اسمها الحقيقي مليكة وتكون حفيدة ملك الروم وجدها قرر يزوجها لابن اخو، فبيوم كان المتفق علي زواجها بس بلحظات الزفاف انهزت الارض بالناس هزة مو طبيعية فشافو العريس منحوس وقررو اخو هو يتزوج السيدة وهم رجع تكرر نفس الموضوع مرة ثانية فانلغى الزفاف هذا كله والكل رجع لداره والملك رجع لغرفته مهموم والسيدة رجعت لغرفتها من بعد التفكير نامت، بهاي الليلة حلمت السيدة بالمسيح عيسى عليه السلام وشمعون اللي يصير جدها من طرف امها وهو وصيف النبي عيسى، وكانو بداخل قاعة ظخمة ومهيبة دخل عليهم الرسول محمد صلى الله عليه واله وخلفه ١٢ امام وهنا وگف النبي عيسى يستقبله ، هنا النبي حاچة السيد المسيح وگله اني جاي اخطب منك ابنة شمعون لابني هذا واشر على الامام العسكري، هنا المسيح باوع لشمعون وگله اجاك الشرف اربط رحمك برحم رسول الله ، هنا شمعون رد علي وگله قبلت والرسول هو عقدلهم والشهود كانو المسيح وجدها شمعون والائمة عليهم السلام.
من هنا تغيرت حياة السيدة نرجس وانعزلت على روحها وبقت بس تدعي رب العالمين يعرفها الحق، وهنا طلبت من جدها يدزلها مدرسين تتعلم باقي الديانات عن الاسلام واللغة العربية، من بعد خطبتها باربع ايام شافت بعالم الرؤيا السيدة فاطمة الزهراء والسيدة مريم عليهما السلام فعرفتها السيدة مريم عليها وگلتلها هاي سيدة نساء العالمين وام زوجك ابي محمد العسكري، هنا بلشت السيدة نرجس تشكي عن وحدتها بهاي الايام وحزنها وتتسائل ليش الامام العسكري للان ما زارها، السيدة الزهراء گالتلها ما يكدر يزورج وانتِ مشركة وخلتها تردد الشهادتين وراها حتى تدخل للاسلام واول ما نطقت حظنتها الزهراء وگالتلها توقعي زيارته في اي لحظة،
ومن بعد هذيج الليلة بلش الامام يزورها في المنام بهالة من الهيبة والجمال والجلال و كانت تخاطبه : قد جفوتني يا حبيبي بعد أن شغلت قلبي بجوامع حبك !! فقال لها : ما كان تأخري عنك إلا لشركك بالله و ها قد أسلمت فإني زائرك في كل ليلة إلى أن يجمع الله شملنا في العيان .
وصار الامام يزورها بالليالي يسليها بوحدتها ويعلمها احكام الاسلام، لحد ما يوم گالها راح تصير حرب بين جيش جدك وجيش المسلمين وجيش جدك راح يخسر الحرب، وهنا كانت مهمة السيدة تتسلل وي جيش جدها ومن بعد ما يخسرون ويأخذوها المسلمين رهينة راح تكدر توصل لحبيبها، من بعد اسرها من الشام للعراق وصلت لبغداد واخذها احد التجار وعرضها مع باقي السبايا للبيع وكانت تمتنع وترجع للخلف كل ما واحد يباوعلها لحد ما خلصو كل البنات وبقت بس هي ، هنا وصل بشر بن سلمان اللي دزه الامام الهادي حتى هو يوصل السيدة نرجس لسامراء الهم، هنا بشر توجه لبغداد ويا فلوس من الامام حتى ينطيهم للتاجر وويا رسالة من الامام الهادي للسيدة حتى تعرف انه بشر من طرف الامام، رجعت الابتسامة لوجها ودخل الفرح لقلبها توجهو لسامراء واستقبلها الامام الهادي عليه السلام فقال لها : كيف أراك الله عز الإسلام وشرف أهل بيت محمد ؟ قالت : كيف أصف لك يا ابن رسول الله ما أنت أعلم به مني !؟ هنا الامام گلها اريد اكرمج فشنو احب الج المال ام بشرى بشرف ابدي ، هي گالتله طبعا البشرى، قال : فأبشري بولد يملك الدنيا شرقاً و غرباً يملأ الأرض قسطاً و عدلاً كما ملئت ظلما و جورا.🤍
