بعد الوداع تشابكت كلوبهم بس اجسادهم تفاركت
طلع العباس ع جواده المُطهم وسيفه بـ ايد و لواء الحُسين بـ ايد حاظنه لصدره ما مهتم لاحد كل اللي بين عيونه اخو الحُسين الضامي وعياله يريد يسقيهم ويجيبلهم الماي
هنا القى عليهم قَصيدته
إني انا العَباس اغدو بـ السِقا
ولا اخافُ الشَر يوم المُلتقى …….
من ضمن قصيدته هم كال
اهبُ عن سبط النبي احمدِ
اضربكم بالصارِم المُهندِ
حتى تحيدو عَن قِتال سيدي
إني انا العَباس ذو التَوُددِ
نجل علي المُرتضى المُؤيدِ
" العَباس مَدرسة عظيمة .. مَدرسة اخوة و حُب و قوة وتضحية وعلم و دين و فداء و… مدرسة للاشياء العظيمة الحلوة المُضحية والمُحبِة "
اروح فِدوَة لـ إسمَك مَولاي ابا الفَضل ♥️
الاعداء لعنهم الله من شافو العباس طالع ما كدرو يواجهو التمو كلهم ع الفُرات حسب امر قائدهم يردون يمنعو
قسم منهم طلعو كدامهم وقاتلهم العباس
والقسم الثاني حاوطو نَهر العلقمي اللي هوَ الفُرات لكن من وصل العَباس وشافو كلها تفرقت
هنا ابا الفَضل لُقِب " بَطل العَلقمي "
نزل العباس روحي فداه لـ النَهر مد اديه للنَهر راد يشرب بعدها ما قِبَل ذب الماي من ايده و تأذه حيل وكال
لا والله لا اشرب الماء والحُسين واطفالهُ عَطَشى
شلون يشرب والحُسين و زَينب عطاشىٰ ؟
شلون يشرب وعيال اخو ماعدهم ماي ؟
شلون يشرب العَباس ماي وعزيزته .. عزيزة عَمها العَباس السيدة سُكينة عطشانه ؟
من ذَب الماي هم كال هالقصيده :
يا نفسُ مِن بعد الحُسين هوني
وبعدهُ لا كنتِ ان تكونِ
هذا الحُسين وارد المَنونِ
وتشربين بارد المَعينِ
تالله ما هذا فِعَال ديني
ولا فِعال صادق اليقينِ ……….
بعدها سِحب القربه … السَقاء وملاها بـ الماي واخذها مشه وهوَ ع المُطهم و كُل اللي صار بباله هسه يوصل الماي للحُسين و يروي هوَ وعياله
والله صَعبة عليه اشرح الباقي واكتبه .. صعبة 💔
عُذرًا مَولاي عُذرًا يا صاحِب الزَمان
