ظهور القائم كُلش حلو و ذكر القائم احبه هواي حلو من تبذل جُهدك لـ القُرب منه وتريد تنال حُبه وشفاعته و رِضى من بعد رضاة الله و رسوله وآلِ بيته اللي هوَ خاتمهم
واغلبها تسأل ع عمره وشلون صارله غايب اكثر من الف سنة شلون عايش ؟
ترا هذا الشي علمه عند رب العالمين وهو القادر ع كُل شي فـ لا تتعجبون من تسمعون بـ هذا الشي
اللي يحي الموتى ويحي العظام وهي رَميم ما يمد انسان بالقوه ويشد قلبه بالصَبر ويخلي يعيش كُل هذا العمر حتى يظهر بـ اخر الزمان لنصر الدين الاسلامي
واكو روايات تكول الامام من راح يظهر مو گ هيئة شخص گبير السن لا
يظهر گ انُ شخص شاب ويشبه هيئة الكافِل الامام العَباس " عليه السَلام " ♥️
الله هو القادر ع كُل الشي
عُمره مُستمر او متوقف فـ الله الاعلم
الرسول واهل البيت جانو كُلش يحبو ويحجون بي مع انُ همَ مشايفي لكن العِلم كُله عدهم انُ بـ اخر الزمان راح يظهر قائمهم المُتَمم لولايتهم السائر على نهجهم الداعي لـ عبادة الله و اتباع الدين الاسلامي الناصر لـ نبوة مُحمد والمُحقق الموالاة لـ عَلي
بـ ليلة الاسراء والمِعراج اللي راح احجيها الكم بـ الايام الجايه ان شاء الله اذا كدرت والله انطاني عُمر وعافية
مِن رَب العالمين عِرج بـ روح الرسول الى السَماء و حجه ويا اكو حديث عن الرسول " صلى الله عليه واله "يگول
قال الله تعالى : ( وأعطيتك أن أخرج من صلبه أحد عشر مهديًا كلهم من ذريتك من البكر البتول ، وآخر رجل منهم يصلي خلفه عيسى ابن مريم ، يملأ الأرض عدلًا كما ملئت ظلمًا وجورًا ، أنجي به من الهلكة ، وأهدي به من الضلالة ، وأبرئ به من العمى ، وأشفي به المريض
فقلت : إلهي وسيدي متى يكون ذلك؟ فأوحى الله عز وجَل : يكون ذلك إذا رفع العلم ، وظهر الجهل ، وكثر القرّاء ، وقلّ العمل ، وكثر القتل ، وقلّ الفقهاء الهادون ، وكثر فقهاء الضلالة والخونة ، وكثر الشعراء ، واتخذ أمتك قبورهم مساجد ، وحلّيت المصاحف ، وزخرفت المساجد ، وكثر الجور والفساد ، وظهر المنكر وأمر أمّتك به ونهوا عن المعروف ، واكتفى الرجال بالرجال ، والنساء بالنساء ، وصارت الأمراء كفرة ، وأولياؤهم فجرة ، وأعوانهم ظلمة ، وذوي الرأي منهم فسقة )
وعند الرسول محمد ايضًا حديث آخر يگول
" عليًا مني وأنا من عَليّ وهوَ زوج ابنتي وأبو سبطي الحَسن والحُسين ألا وإنَّ الله تبارك وتعالى جعلني وإياهم حججا على عباده، وجعل من صلب الحُسَين أئمَّة يقومون بأمري، ويحفظون وصيتي، التَّاسع منهم قائم أهل بيتي، ومهدي أمتي
اشبهُ الناس فيَ في شمائلهُ وأقوالهُ وافعاله يظهر بعد غيبةً طويلة و حيرةً مُظلله فيعلن أمر الله، ويظهر دين الله عز وجل، يؤيد بنصر الله وينصر بملائكة الله، فيملأ الأرض قسطا وعدلاً؛ كما ملئت جورًا وظلمًا "
"مهدي امتي يقصد بي الامام المهدي وهمَ يكول عنه انُ هوَ اشبه الناس كُلهم بالرسول مُحمد باقواله وافعالة وشمائلة"
و عدنا قول لـ امامي الضامي ابا عَبدالله الحُسين يكول
« أنّ قائمنا إذا قام أشرقت الأرض بنور ربّها واستغنى العباد عن ضوء الشمس وذهبت الظلمة »
و أمير المؤمنين عَلي ( عليه السلام ) عنده حديث في وصف زمان القائم عليه السلام : « ولذهبت الشحناء من قلوب العباد واصطلحت السباع والبهائم حتى تمشي المرأة بين العراق إلى الشام »
يعني بسبب وجوده المبارك تزول الأمراض والآفات الظاهرة عن أبدان الناس ويصفى ظاهر الخلق من جميع العيوب.
وانهُ يقلع ويقمع جميع البدع ويزيل جميع الآلات المحرمة من آلات اللهو والقمار وأسباب الطرب. ففي الحديث عن الباقر عليه السلام : « ولا يترك بدعة إلا ازالها ولا سنّة الاّ أقامها »
وكُل الأئمة الاطهار ذاكرين الامام المَهدي بـ احاديثهم و واصفي هواي ..
لابد يجي يوم ويظهر قائم آلِ مُحمد فـ احرص انُ يكون وجهك ابيض امامه سواء كنت عايش أم ميت
فـ اذا حان وقت ظهور المَهدي وموجود احد من اولادك او احفادك او اي شي يخصك وجنت تكدر تحجيله وتعلمه بس انت ما سويتها وصار هذا الشخص جاهل لـ معرفة المهدي ومُحمد وآله فـ راح يرجع عليك لانُ ما زرعت بي هاي التعاليم والحُب والموالاة
فـ عَلمو اولادكم حُب الله ومُحمد وآلِ مُحمد وحتى اهلكم اذا ما يعرفون
انتبهو عَليه كلت الحُب مو تعلموهم وسائل الخوف وتخلوهم يرتعدون من هذا الشي ويبتعدون
علموهم الحُب لان الشخص اذا حَب شخص آخر فـ دائمًا راح يسعى لرضا ويتخطى كُل شي يسبب زَعله
تريد تتقرب اله هم اتقرب بالحُب كُلشي يمشي بالحُب
حِب رب العالمين و رسوله وامشي بـ امرهم حَلل حلالهم وحَرم حرامهم أأمر بالمعروف وانهى عن المُنكر بِر بـ والديك واتجنب كلشي يأدي الى عصيان رَب العالمين
و أدي كُلشي مفروض عليك صلاة وصيام وقراءة قران وذِكر الله و رسولة والصلاة ع الرسول واذا تكدر المُستحبات واتبع اهل البيت واقوالهم واحزن بـ احزانهم وافرح بـ افراحهم ولا تجهلهم و تنكر انُ همَ وسيلتنا للتقرب لله و للرسول وشفاعتهم لِـ مُحبيهم و مُواليهم دائمة و العن قاتليهم
هيج راح تربح حُب الله و مُحمد وآلِ مُحمد
اتقرب للامام المَهدي و حِبه وانتظره بـ لهفه و سَلم عليه دائمًا حتى من تطلع واحرص على انُ صحيفة اعمالك اللي تُعرض عَليه بـ ليلة الجُمعة
ما بيها شي يزعله منك
واقراله دُعاء الفَرج
واذُكرة يم الامام الحُسين لان صاحب الزَمان فترة غيبته كُلها هوَ عايش بـ حزن بسبب واقعة عاشوراء وما اصاب الامام الحُسين واخيه الامام العباس " عليهم السلام " وسبي نساءهم وكُلشي اصاب وسبب بـ استشهاد اهله السادات الكِرام
اذكره بكُل مرقد تزوره راح تفرحه
اهديله صلوات او اهديله سورة من القُران راح تكسب حُبه وتصير بـ رعايته
وخلي ايدك ع قلبك من تنام ومن تكعد وبكُل وقت تحب ترتاح بي و كول ثلاث مرات
" السلام عليك يا صاحب الزَمان " ♥️
