كُل اللي صار مؤذي ومُفجع بس تحس انُ رَب العالمين شكد يحب امير المؤمنين ؟ تريد تحزر وتفكر وتدرك شكد الله يحبه وشكد منزلة ومكانة عَظيمة عنده
ما راح تكدر تحزر ابد
ولادته جانت بـ اشرف مكان وهي بـ جوف الگعبة
نشئ بحجر النَبي .. وتزوج بنتة سيدة نساء العالمين زوجه الله بها في السماء بعدها زوجه الرسول بها في الارض
بعدهـا صار من اصحاب الكساء وهوَ اول المعصومين وسيد الهاشميين
هوَ ابو و جَد كُل اولياء الله الـ ١٢ معصوم
حتى سيفه نزل من السماء
واخير شي اختار رَب العالمين يرجعه اله وهوَ بـ اشرف واحسن موضع وبـ اعظم فرض وشهر
وهو بالمحراب يصلي الفجر بشهر رَمضان
المُهم بَعد الجرح اللي صار بـ راس الاميـر عَليّ
حُزن جبير صار بـ الامه الاسلاميه من فقدت سَندها
فقد عَليّ ومَن گ عَليّ
بيومهـا لزموا عبد الرحمـٰن ابن مُلجم رادوا يقتلوا
لكن الامام عَليّ عَ رفض هذا الشي رفض قاطع
وگال اذا اصير زين اعفو عَنه
لكن اذا استشهد وصى الامام الحَسن عَ
يضربه ضربه وحده تكون كفيله بـ انُ يخلي قسمة اليمين مُساوي اليسار
ظَل الاميـر عَليّ بـ بيته يعاني من شدة الم السم اللي يمشي من راسه لدمة لـ اجزائة
لان عبد الرحمـٰن لعنهُ الله ضربة بسيف مطلي بالسِم
بهاي الـ ٣ ايام هوَّ نايم
يَمه مولاتي زَينب يَمه أُم البنين والامام الحسن والحُسين والعباس
يمه اولاده زوجاته الناس الايتام
كُل العالم اجت اله وقسم منهم ظلت كاعده بـ الباب يدعون اله يطيب لان هوَ سندهم هوَ ابوهم وكلشي بالنسبه الهم
يحبوا هوااااي
جان بـ الرغم من شدة وجعه لكن يهون عليهم و يوصي اولاده بـ الايتام وبالفقراء
الايتام والاطفال بهذن الايام افتقدوا امير المؤمنين
افتقدوا الرجل اللي يوميه يمُر عليهم يوكلهم ويشربهم ويوفرلهم المَلبس ويحجي وياهم
وصاروا يبجون يريدونه
تصوروا الروايات تكول
حتى الاطفال المَسيح بهاي الايام افتقدوا
وصارو يكولون . اين الأب إيليا ؟
أين الأب الحَنون ؟
اليِتامَة تريدَه ياكلـون من ايده ..
ظَل امير المؤمنين يوصي العالم والناس اتباعه مُحبه اللي اعلنوا الولاء الهم
و وصايا امير المؤمنين مشهوره
بعض من وصايا أمير المؤمنين " عليه السلام "
"الله الله في الصّلاة فإنّها عمود دينڪم ".
"الله الله في القرآن لا يسبقڪم بالعمل به غيرڪمُ".
" الله الله في جيرانكم فإنّهم وصيّة نبيّكم "
"الله الله في الأيتام فلا تغبّوا أفواههم ولايضيعوا بحضرتڪم".
الله الله في الزكاة فأنها تطفأ غضب ربكم."
الله الله في الفقراء والمساكين ..
فأشركوهم في معايشكم ".
وعليكم بالتواصل والتبادل ، وإياكم والتدابر والتقاطع . لا تتركوا الأمر
بالمعروف والنهي عن المنكر، فيولى عليكم شراركم ، ثم تدعون فلا
يستجاب لكم .
وصى الكُل لحد ما وصل لـ آلِ بيته وصى اولاده واحفاده و راد يختم بـ اولاد الزَهراء
فـ طلب منهم بس همَ يبقون
الامام الحُسَيّن جان تعبان وحزين حزن كلش چبير وطاغي جان الامير عَليّ حَبيبة وابو
الامام الحَسن ما تقل حالته عن الامام الحُسين بالحُزن
السيدة زَينب وأُم گلثوم .. حالتهن من الحزن ما تنوصف
وهنَّ يشوفن الابو السند راح يروح
وياهو اعز من الاب لـ اولاده ؟
وياهو غير الاب سَند لـ اولاده ؟
ومو أب عادي .. ابوهم عَليّ ابن ابي طالب أمير المؤمنين عَ
الامام العباس جان ينظر لابو بحزن چبير
من راد الامام عَليّ بس اولاد الزهراء ع الناس كُلها كامت طلعت والتفت الامام العَباس هم راد يطلع لكن الامير عَلي منعه ما قبل يطلع
شلون يطلع وهوَ عزيز الزهراء
فـ من دايوصي اولاده بـ وصيته المعروفه اللي اغلبنه سامعيها السيده زينب بجت وكالت لامير المؤمنين : من لي بعدُك يا ابي ولمن سَتتركُني
فـ التفت الامام علي لـ الامام العباس " عليهم السلام "
وكال : وَلدي العَباس أُوصيكَ بِـ هذهِ
ومن هاي الليلة صارت زينب عيون العباس تكفل وصار " گافل العَقيله "
بعد وصية الامير عَليّ للكُل وبعد مُعاناة ويا الالم دامت لمدة ثلاثة ايام
بـ يوم ٢١ من شهر رمضان استشهد 💔
وعَم الحُزن بالبيت المُحمدي العَلوي من جديد
اولادة وكُل الأُمة حزنت على اميرها و سندهـا
الايتام حزنوا على ابوهم عَليّ الراح
تمت مراسم الغَسل والجنازة والدفن على ايد اولاده المعصومين والامام العباس عَ بـ لوعة وحزن چبير
ومن بعدهـا الامام الحَسن عَ اخذ بـ ثارة من عبد الرحمـٰن ابن مُلجم ونفذ وصية والدة
السَلام عَليك يا امير المؤمنين يا عَليّ ابن ابي طالب
اللهُم بلغهُ عنا تحية حُبٍ وموالاةٍ وسَلام
فَليشهد الله انا ابرئ الى الله من اعداؤك واتقرب الى الله بـ موالاتك وموالاة اولادك واحفادك و صلى الله عَليك وعلى ابائك واجدادك وابنائك واتباعك ومُحبيك يا مولاي ….
