نُسخة مُتناقضة |مُكتملة|

الفصل الثالث

- ‏في ايه يا بنات مين صرخ كدة حصل ايه
• قالتها فتاة وهي تاخذُ أنفاسها بصعوبةٍ بعدَ الاستيقاظ فزعًا.
- ضحى انتِ كويسة!
• قالتها أمل بعد ما نهضت وانارت النور بالغرفةِ
- أيوة أيوة انا كويسة، مُ..مُجرد كابوس بس حصل لـفريدة وهي نايمة صحاها.
• كانت تقول ذلك برغم معرفتِها بأن شيئًا ما خطأ يحدث ولكن كان عليها أن تقول هذه الحِجة.. ليسَ كل شيء يُقال في أي وقت! ولا لأي .. شخص.
- هيطفوا النور تاني؟
• قالتها فريدة
- ‏انا عندي فكرة طالاما بتخافي من الضلمة.
نظرت لها فريدة بلهفة كي تُنجدها.
- ايه رايك تيجي تنامي مكاني؟ انا عندي القمر قريب من الشباك و منور السرير عن سريرك.
- ‏طب وانتِ؟
- ‏هنام مكانك.
- ‏طب هو ينفع يعني ..
- ‏ينفع ايه؟
- ‏خلاص
قالتها فريدة وهي تحرك كتفيها إلى الأعلى بقلةِ حيلة
- قولي يا فريدة
- ‏ ينفع تنامي جمبي؟ انتِ في آخر السرير وأنا في الجزء التاني
- يا سلام! دة ينفع جدًا
قالتها ضحى بحنانٍ ولُطف.
ليمُر دقائق وينشغل عقل ضحى مرة أخري بـالذي قالتهُ فريدة أثناء خوفها من الظلامِ ..
- فريدة، هو انتِ صح كنتي تقصدي على مين؟
لم يأتي لها جواب، فذهبت فريدة إلى عالمٍ مليئًا بالأحلامِ الطفولية وغرقت في نومِها.

          
- صباح الخير يا بنات قوموا يلا.
• قالتها أبلة فرح بعد أن دخلت الغرفة وهي تُيقظ الجميع ليتناولوا الفطار.
- صباح الخير يا أبلة فرح.
- ‏يوه! مالك يا فريدة شعرك اتنعكش كدة ليه إنتِ كنتي بتحاربي بيه ولا نايمة عليه.
• قالتها بدعابة جعلت الفتيات يضحكُن بلطف لـفريدة.
- هو فيه فُرشة اسرحه بيها؟
- ‏طبعا، يلا يا بنات علي الحمامات نقوم نغسل وشنا عشان نفطر.

          
- أمل
- ‏ايوة يا فريدة.
- ممكن تعمليلي ضفيرتين؟ .. أصل مش بعرف اضفره
• قالتها فريدة بعدما سحبت الفرشاة من على المرآة التي بـالمرحاضِ.
- من عيني يا ستي
بدأت تمسك بشعرِها القصير الناعم لدرجة تغلب الحرير وبدأت في عملِ التسريحة التي طلبتها فريدة.
- ما شاءالله عليكي، شعرك سكر زيك
- ‏ماما كانت بتقولي كدة.
• قالتها فريدة
- ‏ماما؟ هي فين دلوقتي؟
- سابتني ومشيت
- ‏فين؟
- ‏قت..
قطعت الحديث أبلة فرح قائلة:
- يلا يابنات الفطار جاهز.
- شكرًا علي التسريحة.
- ‏العفو انا حبيت شعرك وممكن أسرحلك كل يوم.

          

في غرفةِ الطعام يجتمع اطفال الدار يتناولون الافطار
- انتِ بتحبي السلطة يا ضحى؟
• قالتها فريدة بوجهٍ عابس
- ‏طبعًا! هو فيه حد مش بيحبها!
- ‏خلاص خدي بتاعتي كمان.
- ‏ليه دي جميلة عشان تغذيكي.
- ‏لاء مش بحبها.
- ولا انا يا فريدة بس مضطرة اكُلها عشان الواحد يتغذي.. احنا لو مكلناش كويس مفيش ا...
•ولكن لم تُكمل كلماتها أمل حتي اكملت ضحى
- أُم.. مفيش أُم هتقولنا انتو مش بتاكلو كويس ..
قالتها ضحي بانكسار علي وجهِها وهي تُقلب بعض حبات الرز بالمعلقة بقلةِ حيلة.
- ‏انتو فين أُمهاتكم؟
- ‏انا اتولدت هنا.. دي آخر معلومات عن نفسي
- وأمل؟
- جوز امي مكانش راضي بيا ولا بوجودي وسطهم..
قرر أنه يا أنا اللي امشي  يا اما يطلقها .. وبعدين جيت هنا وانا قدك، وعيشت لحد دلوقتي وانا بكلمك
- مين جابك؟
- ‏مام.. اللي نزلت من بطنها، مكنتش اعرف إن العالم بالقساوة دي.
رجعت أمل بظهرها إلى الخلف على الكرسي ونزلت بعض دموع من عينيها.
- متعيطيش
قالتها فريدة وهي تلمس كتفيها وتحضنها بعد ما نهضت من على الكرسي.
نهضو من على السفرةِ ولكن أوقفت ضحى فريدة من يدِها قائلة
- بس أنتِ مقولتلناش قصتك ايه!