نُسخة مُتناقضة |مُكتملة|

الفصل التاسع عشر

(((في المنيا)))
تصل سهير الي منزل مراد
- سيبي البوكيه هنا، اهلي صعايدة ما يجيش معاهم الشغل دا
• قالها وهو ينزل من سيارتها ويغلق بابها
- اكيد مش هخش بيه يا مراد مترخمش
• قالتها وهي تتعصب قليلا
ذهب مراد وبجانبهِ سهير علي يمينهم ويسارهم الزرع وصوت الطيور، الكثير من العيون تنظر لهم وتتعجب من شكلها.. وصل مراد إلي منزله بعد أن خطي القليل من الخطوات و وضع يديه بجيب بنطاله ليبحث عن المفاتيح ثم نظر لها قائلا
- أنتِ متوترة كدة ليه يا يبنتي هما هياكلوكي
- انا متوترة اوي فعلا
- لاء متتوتريش انا هنا اهو
• قالها وهو يبتسم مما جعلها تنظر إلي الارض وتبتسم ثم وضع المفتاح في الباب وفتحه.
- تعالي يا سهير اتفضلي
• قالها مراد
• دخلت سهير وهي تنظر لمنزله كم بسيط لا يُقارن مستواه بمستوي معيشتها، التليفزيون البسيط علي المنضدة والأريكة البسيطة جدا، الطبلية بجانب العمود، حصيرة الأرض الخضراء والحوائط الذي لونها اخضر باهت وقديم جدا، ثم جلست علي الأريكة.
• دخلَ مراد الي ولاء وجدها بالمطبخ تقوم بطبخ الطعام ثم قال لها بلهفة
- ولاء، ولاء
- يوه يا مراد، خضيتني
- هي برا
- هي مين!
- بنت رحيم
• تركت السكينة من يديها وهي تُقطع البصل ثم نظرت له قائلة
- انت بتتكلم جد! ومقولتش ليه من قبلها
- جات صدفة انا مكنتش مرتب إنها تيجي، المهم دلوقتي صحي امي وتعالو قابلوها
• خرج مراد لها ليجلس بجانبها
- ايه رايك في بيتنا
- لطيف اوي
- بس مش زي مستواكي.. انا عارف اني فرق الطبقات بينا شاسع، بس وعد هشتغل علي نفسي واجيبلك احلي شقة ونخرج برا البلد خالص لأنها مش مستواكي
- بس دة مكانك الي اتربيت فيه، معقول تسيبه عشاني ف يوم
- انا مكاني فين مانتي تكوني يا سهير معايا
• ابتسمت له سهير ونظرت له لثواني
• خرجت ولاء إليها وكأنها سُعِقت واهتزت ثقتها بنفسها عندما رأتها جالسة وتبدو بنت رحيم حقا
• نهضت سهير عندما رأتها لتُسلم اولا
- دي امي ست الكل الي عايش بـبركة دعائها يا ستي
• قالها مراد وهو يُقبل يد والدته ويقول
- ودي سهير يا امي، عروستي الي قررت اتجوزها
• احمر وجه سهير ثم نظرت له بقليلِ من الغضب بسبب احراجها
- دي عروستك؟ يا حلاوة عليكي يا جميلة، دة أنتِ كيف الي بيطلعو في الافلام تعالي في حضني يابتي
• قالتها والدته بلهجتها الصعيدية وقامت بحضن سهير مما جعل سهير تبتسم وهي تحتضنها وقالت
- أنتِ الي جميلة يا طنط
- يا ايه ..
• ضحكت فريدة بعفوية ثم قالت
- قصدي اقولك دة أنتِ الي جميلة يا امي
- دي بقي ولاء اختي الكبيرة ولاء الي حكيتلك عنها يا سهير، ودي سهير يا ولاء الي بارضو حكيتلك عنها
• قالها مراد وهو يضع يديه علي كتف ولاء
- ازيك يا ولاء
• قالتها سهير وهي تمدُ يديها الي ولاء، مدت ولاء يديها لها
- ازيك يا سهير، أنتِ جميلة خالص فعلا زي ما مراد كان بيوصفك
• نظرت سهير له ثم قالت لها
- انتِ الي جميلة يا حبيبتي، شكرا
انتهي اليوم بعد أن تناولو الشاي.