نُسخة مُتناقضة |مُكتملة|

الفصل السابع

في وسطِ الحياة التي نحيا بها.. هل حقا نُحب ما نختاره ام ما يختاره قدرُنا؟ ..
كل من وقعو في الحب لم يكُن بـ اختيارهِم وبايديهم أن يجدو أنفسهم بهذه السعادة المُتدفقة مع شخصٍ ما ..
ولكن ماذا لو لم يكن اختيارهم صحيح؟ .. نعم سيُكلفهم هذا، ربما انطفاء روحك أو ربما برودة قلبك لـيصبح خائف من أن ينبُض من جديد.. حينها ستخاف أن تتحدث كلمات معسولة خوفًا من حادثة قلبك التي لم يعد يري ويسمع و..وينبُض بعدها ..
وان كان القدر أو انت قد اختار لك القلب الذي جعل قلبك ينبض بل وبطريقة صحيحة.. حينها فا يا لك من محظوظ يا صديقي و ارادت الحياة أن تبتسم لك ..
ولكن لا تنسي إن كان اختار لك القدر هذا الألم فا لرُبما هي رسالة لتتعلم شيئًا ما.. ستعرفه مؤخرًا..

• في المنيا (1980) |ماضي|

يسكُن (مُراد)ذات سن ال٢٠ عامًا وأسرته البسيطة جدا المكونة من أخته (ولاء)الأكبر منه بخمسة أعوام والام والاب، في مناطق عشوائية يسكنُها الدفـء بين العائلات ..
- أيوة طبعا ما ليك حق يعم تتشيك ومين جدك، مانت حججت حلمك وداخل الطب اهو
• قالتها ولاء الي مراد وهي تضع يدها علي كتفيهِ وتبتسم له بلهجتها الصعيدية.
- مش جادر اصدج اني داخل الچامعة اخيرا، انا كنت متاكد ربنا مش هيضيع تعبي
• قالها مُراد وهو ينظر إلي المرآة ويُعدل من قميصهِ.
- انا فرحانة علشانك يحبيبي والله
- ربنا يخليكي ليا بچد عمري ما هنسي جد ايه كنتي دايما معايا في كل اوجاتي الوحشة ايام الدراسة الي فاتت دي
- انت ابني مش اخويا يا مراد ..
• نظر مراد إلي الأسفل فجأة بقلة حيلة وخوف وتردد
- مالك؟
- مش عارف.. حاسس اني فكرة التكيف بالنسبالي بتبجي صعبة .. صعب عليا اعمل صحاب تاني وحياة جديدة ..
- مفيش حاجة صعبة طول العمر.. مسيرها بـتلين وبتبقي سهلة وبسيطة وبتاخد عليها صدجني
- تفتكري؟
- چدا چدا يسيدي
- امممم، طيب انا هنزل بجي .. ادعيلي اليوم يكون لطيف.. لما أمي تصحها ابقي جوليلها اني نزلت
- ماشي يحبيبي، ربنا يسعدك يارب

_________________________
دخلت فريدة الي المرحاض لتنظر الي نفسها بالمرآة وتغسل وجهها ثم خرجت .. لتجلس بجانب نافذة وتنظر الي السماء وتبكي بصوت وبألمٍ مسموع
- ليه يارب انا الي اختارتني من كل الناس دي يحصلي الوجع دة، ليه معنديش عيلة وعايشة معاهم زي اي بنت طبيعية مع عيلة طبيعية بيحبوها.. ليه ماما يحصلها دة وليه با..
• لم تستطيع تكملة الكلمة، فا بكت اكتر ثم أكملت قائلة:
- ازاي اقول كلمة بابا وهو اصلا ميستحقهاش .. ليه اب ممكن يعمل كدة في بنته الوحيدة ويأذيها بالشكل دا ..
• وضعت يديها الصغيرة علي أحدي وجنتيها ثم مسحت دموعها واكملت قائلة:
- مكنتش فاهمة ايه بيحصلي في جسمي لاني كنت اصغر من كدة بكتير، انا منكرش اني لسا سني صغير بس انا فهمت كان بيحصل فيا ايه يارب، من بابا يارب، من بابا
• قالت اخر جملة ثم بكت بحُرقة أكثر وصوت عالي مسموع .. ثم وضعت يديها علي خُصلات شعرها كي ترفعها من علي عينيها واكملت
- هو انا يارب مستحقش اتحب من بابا لاني بنته! انت مش بتحبه صح؟ انت اكيد مش بتحبه لانك خليته يقتل ماما وهتوديه جهنم عندك .. ليه قتلها ليه، كانت هي الي الوحيدة الي بتحبني في الدنيا..
• تبكي بصوت عالي وتحاول أن تأخذ أنفاسها
• صوت خطوات تخطو وراءها وهي تبكي
- مش عايزة اتكلم معاكي يا ضحي بعد اذنك انا في حالة وحشة اصلا ومش هقدر أعاتب حتي
- احممم ..
•حمحم بصوتهِ بدر
• التفتت فريدة بكل جسدها الي الخلف لتراه يقف وعلي ملامح وجهه الاستغراب الكُلي من ما سمعهُ
- انت هنا من امتي!!
• قالتها بتلعثم
- متخافيش.. انا مسمعتش حاجة
- لاء سمعت انا متأكدة انك سمعت
- طيب.. للاسف كداب وسمعت ..
- بس انا مكنتش عايزة حد يسمعني
- قصتك مش عار .. محدش فينا لازم يهرب من قصته .. لأنها مش بايده .. مش هو الي اختارها
- أيوة بس مفروضة علينا..
- يبقي نتقبل الأمر الواقع ونقبلها .. لحد ما ربنا يعوضنا بدالها ..
- نتقبل!
• قالتها فريدة بقلة حيلة وهي ترفع أكتافها الي الاعلي قليلا ثم أكملت قائلة:
- إذا كنت مش عارفة اتقبل من دلوقتي، تفتكر هتقبل لما اكبر اكتر واكتر؟
- مع الوقت هتتغيري صدقيني .. محدش فينا ماضيه كله ابيض.. اكيد في تراب من الهوا عمل شوية الوان سودا بارضو، مش أنتِ لوحدك الي الماضي بتاعك واجعك ..
• نظرت فريدة الي السماء بعد ان سمعت هذه الكلمات
- انا بدر
• قالها وهو ينظر لها ويُعطي لها كفه كي ينالوا السلام
• بدأت بالضحك فريدة
- هو انتي بتضحكي علي ايه؟
- لاء ابدا
• تقول بداخلها " يظن أنني لم اعرف اسمه حتي، بل حتي اعرف طريقة مشيته"
- انا فريدة
- تعرفي يا فريدة اني قطتي نفس عيونك كدة
- ايه؟
- والله ما بستعبط .. هيتروكروميا
- انت بتقول ايه لاء كلمني عربي
• ابدي ضحكة صغيرة عندما راي ملامح وجهها عليها علامات الاستفهام
- دي متلازمة كدة أو حالة طبية بتبقي بسبب چينات ممكن
- چينات! ويعني ايه چينات! .. انا مش جاهلة بجد صدقني انا موهوبة جدا وبعرف اقرأ واكتب بس معلومات العلم الكبيرة عليا دي حساها اكبر مني ومصطلحاتك غريبة
• قالت هذا مما جعله يضحك مرة أخري
- يا ستي لا جاهلة ولا حاجة لا سمح الله محدش قال كدة انتِ الي متوترة .. چينات دي يا ستي يعني عوامل بتكسبيها من الام والاب، صفات مثلا، زي الطول او القُصر أو نوع الشعر وهكذا
- ايه دا ! بس انا محدش من بابا وماما كان لون عنيهم كدة
- فعلا؟ ..مش شرط ممكن يكون اجدادك أو حد قديم
- ممكن
- الا صح انتي قولتيلي انك موهوبة.. موهوبة في ايه بقي...
- في ال...
• لم تُكمل كلامها ثم دخلت ضحي
- فريدة ..