لكل من بداية وهده هي بداية قصتي و حياتي
اتمنى أن اشاركها معكم وتعيشو معي فرحي و سعادتي ألمي و دموعي و حياتي ستكون أمامكم شفافة و حقيقية 100/100 باستثناء المناطق و الاسماء سيتم تغييرها للخصوصية متابعة ممتعة
وتين امي وماادراك ما امي أن كلمة ام هي الامان لأطفالها و الصدر الحنون الذي يحتويهم لكن انا لك تكن امي تلك الأم التي تضحي و يهون الغالي و النفيس لأجل أطفالها امي في ليلة مظلمة باردة رمت لبناتها لبراثن المجهول
اثير النساء اوووهوكلمة امرأة بالنسبة للغالبية الرجال هي الراحة و الحنان و الزواج و الحب و الدلال و السحر والاغراء و كلمات لا تنتهي لكن انا مجرد ذكر اسم أي امرأة يثير غضبي وأشعر باشمئزاز
كلمة امرأة تعني الخيانة و الغدر لأسباب ستعرفونها مع أحداث قصتي
انا اثير عمري 32 سنة طبيب جراح وحاليا طبيب في الجيش والسبب لان الجيش مفهش نساء جني و هبالي من جنس حواء هربت منهم للعسكر
وبحكم مكمل قرايتي مباشرة كان قرادي ضابط
بحكم خدمتي وشوفت الدم و الاصابات و البجروح و العمليات الي درتهم و المناظر الي فاو عليا يشيبو الراس زاد قلبي قسى ووليت كي الحجر حتى مع العايلة تاعي كي نقعد منعرف لانجامل ولا نضحك نهار نتبسم يبقاو مخلوعين فيا
وليت كي المتوحد حتى الناس منتعاملش معاهم بزاااف غير في خدمتي نرد و نهدر على قد السؤال هدا كامل بسبب مشكل في الماضي الي راح تعرفوه من بعد و من خدمتي الي زادت عليا الصديق الوحيد الي عندي وماشي صديق صديق غير نقعد معاه و لا نتقهواو مع بعضنا يعني حتى الصحبة ودايرلها حد
كاين انساء اخر دكتور معايا ناس ملاح وهو تاني كيما علي
اما العايلة تاعي عندي ثلاث اخوات نور ومنى و سحر متزوجات واخ واحد اسمو محمد هو تاني متزوج و خارج بدارو وحدو يعني باقية غير الوالدة وحدها لان الاب متوفي من زمان من الي كنت في الثانوي كان الله يرحمو يتمني يشوفني طبيب و الحمد الله حتى بعد مامات تحقق الحلم تاعو
اما ماديا احنا حياتنا كامل عشناها مليحة ماديا لان الاب تاعي كان رجل اعمال معروف على مستوى البلد تاعنا
كي مات خلالنا الخير والاموال و الاملاك بلا حساب وطبعا خويا هو الي حاكم الخدمة تاع المرحوم كامل انا لا علاقة وقبل مايكون خويا الي حتكم كان عمي ابراهيم هو الي متكفل بكل الاعمال و كان بمثابة اب ثاني لينا لهدا احنا نحبوه و نقدروه بزاااف وحتى انو بنتو سارة تزوج بيها خويا محمد والعلاقة ولات اكثر رب بسبب النسبة اما انا رغم انو خويا داير حساب باسمي و يحط الفوائد حقي من دراهم بابا انا ولا مرة مسيتهم لانني مكتفي والحمد الله بدراهمي و شهريتي تكفي و توفي
بصح بقيت مع يما الانها مقبلتشس تعيش غير في دارها و انا مخليتهاش وحدها كي نغيب ونروح نحدم يجوها وحدة من خواتاتي و كي نولي انا في الدار نقيم بيها وحدي صح عندنا خدامات و حرس بصح لازم واحدة منا يكون معاها
المهم هده هي حياتي وطبعي و حالتي وحالة العايلة تاعي
البداية قبل شهرين
اثير طلبت النقل من البلاصة الي نخدم فيها لانها منطقة حربية و فيها بزاف التعب و تم النقل لكن بلاصة اغلبهم مسيح لكن مفيهاش التعب المهم نرتاح شوية من التعب تاع الجرحى و شوفت الدم كل وقت
المهم نرجعو للبلاصة الي نخدم فيها غير مسيحيين و حدا المعسكر تاعنا ميتم و في نفس الوقت دير تاع قساوسة
حتى المعسكر صغير ومفيهش بزاف العسكر كان بغرض حماية القرية هديك اما الوحدة الطبية درناها في مدرسة مهجورة قدام الميتم لان المعسكر مفيهش بلاصة
في الليلة هديك على 12 تاع الليل كملت المناوبة تاعي و رجعت للشالي تاعي نرقد بعد نهار طويل من التعب جيت للبلاصة هده باه نرتاح لفيت التعب فيها اكثر لان لامكانيات مكانش و البلاصة مكانش بلاصة فيها للراحة ااااه ياربي ظهري تكسرعيطت للجندي قلتلو جيبلي عشايا مقادرش نروح ناكل في لمطعم تم
نحيت غير لافاست تاع العسكر و حطيت راسي على المخدة وغمضت عينيا وحدة الخمس دقايق بين لنوم و اليقضة سمعت صوت النباح تاع الكلاب
احنا متعودين على نباحهم بصح المرة هده اقوى و اقرب للشالي تاعي مموالفش الكلاب يقربو اكثر
وليت نقول في قلبي بلاك واحد من العسكر جايب معاه كاش وحدة من بنات الحرام يبيتها معاه كيما موالف وليت غمضت عينيا و قلت و انا واش دخلني طفيت الضو و عاودت غمضت عينيا شوية حتى سمعت الباب تاع الشالي تاعي تفتح و دخلت عبد و عاود تغلق بقوة تخلعت بلا منحس طرت من باصتي و هزيت الكابوس الي عند راسي كان الهدوء حتى صوت لكلاب حبس باقي غير صوت واحد يتنفس بقوة و يلهث وهت الكابوس لمصدر الصوت و في جيبي مصباح طبي صغير شعلتو و ودهتو و قلت بالصوت هز يديك وشكون انت فتحت عينيا مليح باه نركز مع المخلوق الي دخل كان ميظهر منو والو لانه كان كتلة تاع شعر كحل و مظاهر والو منو
قلت في قلبي هدا واحد من الدواعش وياريت كان واحد منهم جهزت الكابوس باه نرمي عليه حتى سمعت الصوت الاكره و الاسوء الي ممكن يدخل وذني
لالا ربي يخليك مترميش عليا لالالا
كن صوت مراة معمر رعب و خوف من الخوف ولو سنانها يضربو في بعض ................................... يتبع
هده قصتي الجديدة
