وتين وقيت واقفة رنا كمل خلقتنا هو شافني دور وجهو وانا زربت هزيت الفوطة و درتها عليا و انا نرعش و نتنفس بقوة من الحشمة راحت الدوخة و بقات غير الرعشة من هول الصدمة وليت جريت لبيتي دخلت و غلقت الباب ورايا
طيت روحي على السرير و نبكي بالصوت لالا مستحيل نقدر ننسى الموقف هدا ولالي كي الشريط المكرر يتعاود يتعاود و يتعاود
بقيت في البيت نبكي على زهري الي مزال مشفت منو والو في حياتي كل يوم اصعب واسوءمن الي قبلو
الليلة هدي مرقدتش خلاص وانا نيكي و نخمم وهو مدار و لا طبطب ولا وصل ليا
و بعد تفكير تاع ليلة كاملة قررت نهز قشي و نخلي الخدمة هده الي شفت منها غير الدل و القهر لانني بعد الي صار منقدرش نزيد نحط عيني في عينو
نضت لبست قشي و هزيت القشات الي عندي في ساكودو و لميت شعري وصلت الربعة تاع الصباح خرجت من بيتي و هبطت مع فتحت الباب تاع الدار وحطيت رجلي خارج العتبة تاع الباب شعل الضو و صتو من ورايا قالي بصوت حاد
اثير كي طاحت المنشفة نكدب عليكم كون نقولكم مشفت والو ونكدب كون نقول بلي المنظر الي شفتو كان طبيعي هي كاملة ماشي طبيعية كاملة مكملة و الكمال الله
وقفتها عريانة قدامي تطبعت في راسي
كي شفت جسمها حسيت برعشة مشات من صباعي تاع رجليا للراسي حتى نسيت انا وين ومع من وليت دورت وجهي بزربة بصح الي شفتو مفارقش خيالي بقيت ليلة كاملة و انا نخمم فيها وفي كل تفاصيلها رغم هي لحضات برك بصح كل تفصيلة في جسمها شفتها بصح الي مخوفني ومقلقني هي
واش راح تدير بعد الموقف هدا
وخاصة الي صار ماشي ساهل ولا بسيط
تقلقت بزاف من خوفي عليها بلا اي مبررشكون هي حتى نهتم بواش يصير فيها واش راح تعمل و لا واش راح تدير
فكرة تروح و فكرة تجي بقيت قاعد للصباح طيرت النوم من عيني انا قاعد حتى سمعت الباب تاع بيتها تفتح وقفت و بقيت نتصنت عند البابسمعت خطواتها هابطين في الدروج فتحت الباب تاع بيتي و هبطت وراها بالشوية و الضو طافي حتى شفتها وصلت للباب تاع الدار
متوقعتش الي صار راح يتاثر فيها لدرجة انها تروح وليت بزربة شعلت الضو و قلتلها بصوت حاد وين
وتين انا سمعت صوتو وانا جمدت في بلاصتي مقدرت لاندور و لا نرد بقيت ساكتة
اثير واقيلا راني نهدر معاك
وتين خليني نروح بكرامتي مرايدة حتى حاجة اخرى
اثير وعلاش تروحي واش الي صار
وتين هبطت راسي و تفكرت الي صار وليت نبكي
اثير مشيت حتى وصلت حداها و هي وجها للباب و ظهرها ليا مديت يدي حكمتلها يدها الي حاطتها في الباب وقربت فمي لحدا ودنها و قلتلها بالشوية
مشفت والو ولا متفكر حاجة و امنيني الموقف الي صار محتو من عقلي خلاص واصلا راح نحسبو ول كانه ار اصلا
وتين كي حكملي يدي و لا قلبي يخبط الف في الثانية وليت غمضت عينيا و بلعت ريقي الي بسيف هبط في قراجمي وكنه كي حكملي يدي مكفاهش قرب لوذني النفس تاعو يضرب في رقبتي ودني وقال الي قالو علابلي منقدرش نزيد نشوف معاها و لا نحسب و كانه مصار والو حتى و حللي انو يسنى الي صار بقيت ساكتة و هدرت والو
اثير رغم الي قلتهولها بقات ساكتة حتى لقيت روحي نحلل فيها تقعد توصلت اني نخمم ندير المستحيل المهم منخليهاش تروح من الدار
وكان في قلبي صوت يقولي متخليهاش تروح متخليهاش تروح و كانو كون تخرج من الدار نموت وراها
في الحضة هديك كرهت ضعفي قدامها بصح ماشي بيدي معلاباليش واش صرالي ولا اي وعي وليت نقولها وانا نتنفس بقوة
قلتلها علابالي مراحش تقنعي بكلامي بصح مرانيش نكذب عليك نوعدك مراح نخليك تحسي خلاص بلي الي صار صار ومكانش روحة من هنا
وتين مقدرتش نبقا واقفة اكثر خلاص قررت منبقاش لانه مهما حلفلي و هدرلي المشكلة ماشي فيه انا الي منقدرش ننسى ماشي هو وليت بعدت يدي من يدو و عاودت فتحت الباب حتى لقيتو بعدني من الباب و غلقها بقوة
اثير مديت يدي غلقت الباب بقوة و دورتها ليا و قلتلها بصوت رج الدار و كسر الصمت فيها ممنوع تروحي مكانش روحة من هنا
وتين دزيتو علي بقوة و قلتلو ماشي كيما تحب انت نروح نقعد نموت شكون انت حتى تمنعني نروح اصلا الي صار كامل بسبتك كل مانطيح في مشكل ولا تطيح على راسي مصيبة تكون انت السبب تاعها بزاااف عليا خليني نروح انت واش تحتاج مني واش درتلك حتى تكرهني للدرجة هده نهدر و نبكي بحرقة
اثير هكا المهم متروحيش لان ااااا يما كن متلقاكش تحسبني انا الي زعطتك و مراحش تسكت تهبلني عليك شفتي برك كي قلتلها زعطيها كيفاش طاحت قريب ماتت املا خلينا من الدراما تاعك و قلت مكانش روحة معناها منوع تحطي رجلك خارج الدار هده
وتين بصوت مخنوق مستحيل نبقا بعد الي صار باين في قلبك راحك فرحان لانك تحس روحك اثبتي بلي انا نغري فيك و انا بلا شرف و عريت روحي باه نتحرش بيك
اثير اسكتي اسكتي و سديتلها فمها اسكتيييييييييييييي ماني فرحان لاوالو و مثبت عليك والو و ل راح نقول حاجة و الي صار غلطة وماشي مقصودة وقلتلك مشفت والو املا اسكتي و متزيديش تجبدي الموضوع هدا و ارجعي لبيتك
وتين يعدتلو يدو من فمي و قلتلو منروح.................
اثير نحيتلها الصاكودو من يديها و طيشتو بعي و جبدتها من يديها نجر فيها و هي تحاول تتملص مني وصلتلها لبيتها دخلتها و ودزيتها فوق السرير ووقفت عند راسها و قلتلها بنبرة تاع غضب و تحدير كون تخرجي من هنا امنيني راح نخليك تندمي على النهار الي شفتيني فيها و غلقت عليها الباب من برا ورحت
خليتها تطبطب و تدندب فتح الباب و التخربيط تاعها وحدة الساعة و حبس الخبيط
استنيت نص ساعة اخرى و فتحت الباب بالشوية و خليت المفتاح فيها خليت الضو تاع النها طلع رحت مباشرة لدار كرار جبت يما و مباشرة لبست قشي و جهزت الكابا تاعي و رجعت لخدمتي ................................ يتبع
تصبحون على خير
