وتين راح نحكيلك كلشي وكي تجي نواجها بكل هدا قدامك بقينا قاعدي و حكيتلها كلشي و هي ددموعها سيل سبحان الله هي تكسر قلبها و اختها لالا يعني مستحيل تكون هده اخت هديك فاتت مدة احن قاعدين حتى سمعنا الباب تطبطب ودخلت اكبر انكسار في حياتي كي العادة حطة و الروايح و تمشي على روس بنينها سلمت على اختها و انا تجاهلتني و كانني ماشي قدامها حتى الشوفة مشافتش معايا
ايناس خير ام اثير واش كاين حتى جبتيني هنا نجري كنت حاسبة كشمن مات
ام اثير ياريت كانت موت اهون من سمعتو و عرفتو
ايناس وعلاش واش صار
ام اثير صح وتين بنتك
ايناي اووووو يا وفاء جبتيني نجري من داري حتى تسقسيني السؤال هدا التفاه
ام اثير تافه هده بنتك كيفاش ترقدي في الليل و معلابالكش في بنتك ويني و كيفاش تغمض عينك و بنتك مطيشة في الطريق
ايناس انا معنديش ولاد من غير احمد و طيف و الباقي كلشي كدب و باسي راح و تدفن ورتاحت منو
ام اثير العمى لعينيك ان شاء الله واش صحانية الوجه هده بنتك باسي ودفنتيه
ماشي باباهم الي هبلتي عليه و خسرتي اهلك عله و تزوجتي بيه ماشي هدا الي مات بابا من كسرت قلبو عليك وعلى عمايلك
رحتي تزوجتي بواحد لا هو من مسستواك لا من دينك ولا ملتك حتى في السر بلا علم دارنا و درك تقوليلي باسي دفنتيه
ايناس ايه ايه الي قلتيه كامل صح بصح انا كنت صغيرة و منعرفش و هو تمسخر بيا و صار الي صار وراح وانت وعلاش درك تربشي في الي فات
ام اثير الي فات مات اااااااااا بنتك كبدتك و لا فات و مات
العوام الي فاتو كامل و انت كادبة علينا و قلتي بناتي داهم باباهم و سافر و في الاخير تظهري انت الي طيشتيهم في الطريق
ايناش طيشتهم دبحتهم حرقتهم واحد مدخلو فيا و ادا ممكن اهدري واش حابة مني خاطر راجلي معلابالوش بلي جيت قبل مايصرالي مشكل حابة نرجع بلا مايفيق
ام اثير منحتاج منك والو بصح من اللحضة هده لا انت اختي ولا تعرفيني و لا نعرفك وردي بالك تزيدي توريلي وجهك و لا تعتبي باب داري ولا و الله العظيم نروح لراجلك و نحكيلو كلشي و انت علابالك فيه واش يقدر يدير فيك كون يعرف بلباسي تاعك الي تقولي عليه دفنتو
ايناس مت في بلاصتي والرعب ولا خانقني كي سمعت كلاممها وليت قلتلها متهدرليلو لا والو راني رايحة هاهو وجهي يا وفاء ادا زدتي شفتيني تبيعي اختك على وحدة لميتيها من الطريق
ام اثير هده الي انت تهدري عليها خير منك الف مرة على الاقل هي مطيشتش دمها و لحمها في الطرق يا رخيسة يا كلبة اخرجيييييي من داري وردي بالك تعاودي ترجعي هنا خاطر راح نندمك ندامة عمرك
