اثير ترددت لكن كي شفتها رايحة قلتلها راني قابل
وتين حبست في بلصتي و درت ليه قلتلو نعم
اثير كيما سمعتي
وتين على واش قابل
اثير متعمليش روحك غبية انت علابالك على واش انا قابل
وتين وعلاش متقولش علاواش قابل و لا جاتك صعيبة انك تقول بلي انت قابل تتزوج و حدة حشرة و متسواش كيما انا
اثير قربت ليها و قلتلها بحدة اسمعي انا مجيتش نتناقش معاك حاب نعاونك و نورمالمون تفرحي و تشكريني على الي راح نعملو معاك ماشي تطولي لسانك علا
وتين ههه باستهزاء تساعدني و نشكرك اااا واقيلا انت عندك انفصام في الشخصية قبل ساعة كنتي محابش تزيد تشوف وجهي واش الي بدل رايك وجيتي بجلالة قدرك تشوفني
على العموم ادا جاي تقولي قابل خاطر متهمتكش انا الي هدرتو ماي على وجهك انا عملت باصلي و هدا هو الشي الي لازم يصير انا على الطلب الي طلبتو منك انا منكت لا حابة و لا هابلة باه نتزوج بيك كنت مجبورة على الطلب هداك و مكانش حاجة ندمت عليها كيما اني جيت عندك و طلبت منك هداك الطلب يا ريت مت و لا جيتك وعلى كل حال نشكر الشهامة تاعك و المساعدة تاعك احكمها ليك
اثير غمضت عينيا بقلة صبر وقلتلها بلا هدرة زايدة و طول لسان انا قلتلك قابل و خلاص و ماشي كيما تحبي انت بسيف عليك تديري واش نحب انا الموضوع خرج من يدك و بسيف .........
وتين واش الي بسيف عليا انا لا بابا و لا خويا و لا ولد عمي باه تسيف عليا وامشي من وجهي خليني نكمل طريقي قبل مانروح نشكي بيك و نقولهم تحرش بيا دزيتو و بعدتو من طريقي و رحت و خليتو واقف
اثير دزتني و راحت ولا مرة في حياتي شفت كيفها جريئةو ووجها صحيح البهلولة حبيت صح نعاونها راحت و خلاتني وكانني مكانش قدامها مع انو التصرف تاعها قلقني بصح و نرفزني في نفس الوقت تمنيت نحكمها من هداك الشعر الي تلعب بيه هكا و كا نسيق بيها المعسكر كامل من اسلوبها و قلة تربيتها اااااه لسانها يحك ظهرها
بصح طريقتها تجدب الانتباه
بقت واقف في بلاصتي كي الصنم واول مرة من سنين نتوله مع مراء و نشوف تفاصيلها بصح هده فيها شي يجدبني و يخليني نركز معاها
بلاك اسلوبها الجريئ ولا شجاعتها بقيت غايس فيها كيفاش تمشي تحسبها غوالة و شعرها مغطي ظهرها كامل و هابط اسفل الظهر اسود غرابي هده الطفلة صح فيها سحر خاص و تجدذب اي واحد مهما كان وحتى انا الي يقولولي عدو المراة
لحضات غست فيه مبعد تفكرت الي صار من سنين تقززت من روحي و منها وليت نحرك في راسي و كانني ننفض في الافكار من راسي لاني مجرد مانخمم في مراة و لا تعجبني مراة تكرهني في روحي وليت دورت وجهي و رجعت لبيتي و انا الف فكرة في راسي انا واش بيا هده حالها حال اي ............ استغفر الله ياربي ااااااااااااااااه كون تطيح مابين يديا نخنقها خربطتلي افكاري وحياتي ااااف لانها رجعتني نحس بشي دفنتو في قلبي من زمان
