وتين مع دخلت تخلعت من المنظر القش مطيش بارتو و الاوراق والبيت مظلمة غير الضو تاع الفايوزة و الريدويات مردودين و الريحة تاع الدخان تخنق وهو قاعد في بيرو و قدمو البيسي والدخان في يدو غلقت البب ورايا وبقيت واقفة بلا مانهد حتى كلمة مصدومة من الحالة
شوية و هز راسو شافني غلق البيسي بقوة ووقف
اثير بصوت حاد وفيه بصحة واش جابك هنا وعلاش جيتي
وتين كيفاش علاش جيت
اثير ضربت البيرو بيدي و قلتلها بالصوت قالتك واش جابك جاوبيني
وتين بالشوية قلتلو واش السؤال هدا انت راجلي يعني حابة نشوفك ونوكون معاك في الضروف هدو ونوقف معاك
اثير بالصوت و عصبية امشييي اخرجي عليا
وتين ربي يعيشك اثير خليني نبقا معاك حابة نحكي معاك
اثير قلتلك امشي من قدامي ومتعاوديش توريلي وجهك
وتين بعصبية منروحش و منخرجش من ماشي كيما تحب انت نقعد حتى تقولي واش درتلك انا حتى تتعامل معايا بالطريقة هده
اثير انت فاهمة واش راني نهدر ولا لالا
وتين انا منفهمش فهمني انت
اثير خلاص حابة نفهمك افتحي الباب و اخرجي عليا و متعاوديش توريلي وجهك نهائيا ولا راح تندمي على النهار الي زدتي فيه
وتين وعلاش واش درتلك حتى تعمل معايا هكا علابالي غلطت كي زدت معاك في الهدرة بصح الي عملتيه انت ماشي قليل شفتتك بعيني محضنها واش كنتي تستنى مني نعمل اااااا
اثير علابالك ايناس عندها الحق كي قاتلي طيش عليك يجيك من وراها غير المشاكل و صح من نهار عرفتك و انا من مشكل لمشكل دمرتيلي حياتي انت مصيبة و تحطت فوق راسي و بسبتك خسرت يما ندمت ندمت الي مسمعتش هدرت ايناس و خرجتكش من حياتي
وتين هو يهدر و انا نبكي عمري ولا تصورت اثير بعد الي عشناه مع بعض يهدرلي الهدرة هده يعني انا بالنسبة ليه مصيبة و انا دمرتلو حياتو ونادم على كل حاجة بيناتنا وليت قلتلو بصوت مخنوق وعلاش انا السبب باه ماتت الحاجة
اثير ايه انت سبب كل مصيبة فاتت على راسي كون مدخلتيش حياتي كون يما راهي حية
وتين قلتلو و انا نبكي و نشهق وعلاش انا السبب
اثير يما ماتت بحرقة قلبها على اختها كي سمعت بيها ميتة وهوما ميهدروش مع بعض بسبتك فسدت علاقتهم
وتين اثير راك غالط امك ماتت بسبب .........................
اثير قاطعتها و قلتلها بنبرة غضب متجبديش اسمي بين شواربك و متبرريليش خماجك وبركاي ماتعلبيها قدامي المضلومة الي طيشتها امها انت و اختك و باباك الي دمرتو حياة خالتي علابيها طيشتكم وعندها الحق خاطر انتم مرض يقتل العبد بالعرق
