وتين شكون انت منعرفكش انا امشي من هنا قبل مانعملك فضيحة
اثير اااااه هده متجيبش معاها الهدرة نتيجة وليت حبست السيارة و هبطت ليها وقلتلها امشي قدامي اركبي وبلا فضايح
وتين دورت ليه و حطيت عيني في عيتنو و قلتلو شكون انت حتى انا نروح معاك
اثير مميتش عليك انا فهمتي بصح مقادرش لمشكل مع يما و هي مريضة تحسبني انا الي زعطتك وهي معلابالهاش بلي انت مهبولة وديجا باينة عليك مرندفة مع كاش واحد وهربتي باه تتلاقايه
وتين ااااععع متهدرليش هكا انا خير منك واشرف متحسبنيش كي بنات الحرام الي تعرفهم
اثير استغفر الله امشي اطلعي للسيارة وبلا هدرة زايدة راني بسيف واقف
وتين قلتلك منرجعش ولوكان نموت
اثير قربت ليها و قلتلها بالشوية ترجعي معايا بسيف عليك
وتين كتفت يديا لصدري و قلتو وكيفاش ترجعني بسيف اااااااااااااااااااا
اثير علي و سلمى نهار الخميس يتزوجو
وتين حليت فمي من الشي الي سمعتو وقالو ااااااااااا عاود
اثير الي سمعتيه
وتين لالا انت تكذب عليا وانت وين علابالك انت اصلا معلابالكش سلمى ويني
اثير بلعي فمك وبلا هدرة زايدو راكي تعمي على روحك امشي قدامي الناي بداو يتفرجو فينا هيا نرجعو للدار
وتين من منتحركش حتى تحكيلي كلش وشكون الي قالك
اثير اووووف اللهم طولك ياروح امشي اطلعي دوختيني امشي معايا و انا نحكيلك المهم امشي انت و سروالك الفضيحة
وتين وااااش قصدك
اثير بعصبية وخلاص صبرو والله اليوم نقتلك في الليلة هده الي باينة مراحش تخلاص على خير اخر مرة نقولك امشي اركبي في السيارة ولا و الله و الغالي والله نجرك بسيف عليك و تخلصيها غاليا املا امشي وانت راضية احسنلك
وتين ولاو العروق تاع يديه و رقبتو خارجين تاع وصل لمرحلة تاع عصبية تخوف وليت هبطت راسي ومسيت للسيارة ونجر في لافاليز تاعي
ولا لحقني هو وركب دار ليا و قالي واقيل انا الشوفار تاعك وانا معلاباليش ارجعي اقعدي حدايا وتين ياربي خلص الليلة هده على خير رجعت ركبت حداه وانا من الخوف حكمتني النهجة ووليت بسيف نتنفس
السكوت سيد الموقف غير النفس تاعنا الي يستمع في السيارة حتى قالي
اثير نسوق و عينيا مع الطريق قلتلها انا في الخدمة تلاقيت علي و حكالي على الموضوع تاعو و تاع صاحبتك
