اثير وقفت و نشوف معاها و شكلها يضحك لان طولها شب و نص وة حابة توصل للسما قفزت تلاحت من و من والو ملحقتش السكر وانا في قلبي نضحك عليها كنت علاباي تعمل هكا باه نعاونها كيما مع القرعة تاع الحليب بصح منعاونهاش على خشونية راسها ولات جابت الكرسي و طلعت بالكرسي وملحقتش معلابالها بلي كاين سلوم تستعملو ام عادل في المخزن هههههههههه فوق الكرسي ووقفة على روس صبعها لحقت شوية وولا الكرسي راح يتقبل بيها جريت ليها ماشي خوف عليه بصح عندي في بالي فكرة و حاب نعملها ولت حكمتها طاحت بين يديا من الخلعة غمضت عينيها هههههههههههههوليت نضحك في قلبي على شكلها الي صح يضحك
وفجاة تحقق الي تمنيتو و نطقت سارة من ورانا
سارة اوووو واش المنظر هدا على الصباح مع ضحكة خبيثة عكس النار الي في قلبها
اثير ولات فتحت مصيبتي عينيها من الخلعة تع صوت سارة وكانها تحلل فيا باه ننزلها وليت وقفتها و حضنتها قدام سارة الي حلت عينيها حتى ولاو خارجين تجاهلت سارة و قلت لوتين يخي مابيك والو ميوجعك بوالو بصوت حنون
وتين مع حطني حضني و قربني لصدرو و هدر بنبرة تاع صوت اول مرة نسمعها منو رغم لسانو يهدر زي و عينيه يقولو كلام اخر وليت نبعد فيها و قلتلو اطلقني برك مابيا والو وصوتي يرعش من لخلعةة و الصدمة و الحشمة من الموقف الي راني فيه وخوفي الاكبر تقول للحاجة وتدي عليا نظرة ماشي مليحة
وليت نبعد فيه و هو مزير عليا و يسقسي فيا واش بيا و الحية ورنا عينيها خارجين من الصدمة
اثير وليت طلقتها بعد مادرت الي في بالي حتى سمعت الحية نطقت
سارة مزالك تسقسي فيها كاش وحدة تتاذي ولا تتوجع من التحضان
اثير معبرتهاش خلاص ولا رديت لانني منايا و حلمي تبعد هي واختها من طريقي و يحسبو عندي علاقة مع وتين ولا تقول هدا بونساوين لان اختها قالتهالي بالبنط العريض نحبك هههههههههههههه مهابل هدو صمت عمر و نفطر على منار هههههههههههه
اما مصيبتي مع طلقتها هبطت راسها و ترعش من سارة الي تتخنزر فينا
وتين سارة تهدر وهو ولا علابالو بقا غير غايس فيا و يستنى من عندي انا نجاوبها
معلاباليش وعلاش يتصرف هكا بلاك زاد هبالو اكثرر من قبل حبيت نبعد نضراتو ليا وليت قلت مابيا والو شكرا دكتور على المساعدة
اثير الحمد الله على سلامتك و تولهي مرة اخرى ومكان لاه تقوليلي دكتور بلا شكليات و قوليلي اثير برك ااا شفت بنص عين مع سارة اووووو و انا حس بالانتصار كي شفتها في لموقف هدا وليت هزيت تليفوني و الدخان تاعي و خرجت من الكوزينة
وتين رغم الصدمات على صباح ربي بصح كنت متاكدة بلي كاين عفسة حب يديرها لانه هو لاهو لطيف ولا حنين وخاصة معايا انا بصح لازم نوقفو عند حدو انا ماشي لعبة يلعب بيا وقت الي يحب كرهتو اكثر و حقدت عليه و الحية مزالت واقفة و ساكتة باين تخمم وليت دورت وجهي وكملت الفطور وحطيت عسل للحاجة في بلاصة السكر هزيت السنية و خرجت من الكوزينة و انا نمشي كي السكرنة من لخلعة
