اثير كملت خدمتي بخروج الروح وقررت نروح لدارنا قبل نشوف يما قبل مانروح عند وجع قلبي خايف نلقاها و تطول لسانها و تصير حاجة محابهاش تتعاود بالطريقة الي فاتت
مع وصلت لقيت غير يما و ام عادل وكانت التسعة تاع الصباح شافتني يما هبلت تحسبها عام مشايفتنيش تحضن و تبوس فيا بسيف سكتها وهده اصلا حالتها كل مانرجع من الخدمة
قعدت معاها و حكينا شوية شكاتتلي من سارة من خواتاتي الي ميطلوش عليها ومن الامراض حتى وصلت لحكاية وتين كيفاش كانت هاوتها و قايمة بيها مجرد مقالت اسمها جسمي قشعر معرفتو لا احساس باندامة ولا توحشتها المهم احساس اول مرة نحسو كي يتدكر اسم انسان قدامي يصير فيا هكا
وليت بزربة بدلت الموضوع و قلتلها ان شاء الله نشوفلك وحدة خير منها وليت خليت يما و طلعت تدوشت و بدللت بصح ملقيتش خالتي في الدار حسبتها مزالت راقدة لان علابالي متبكرش الصباح وليت رجعت لببيتي من التعب تاع الخدمة و من قلة النوم و انا نخمم في بلوة حياتي رقدت
نوضتني ام عادل باه نتغدا و ليت غسلت وهبطت لقيت غير يما و راجل خالتي و احمد و طيف سلمت عليهم و قعدت نتغدا معاهم بصح معلاباليش وعلاش قلبي مقبوظ من غياب خالتي لان هي مموالاش تخرج وحدها يا مع راجلها يا ولادها يا يما يا مع خواتاتي لا راجلها يغير بزاف و متشدد معاها وخانقها يا معاه ولا مع نلس موثوقين يا ممنوع تخرج
المهم قلتلهم ويني خالتي ولا مزالها راقدة
ام اثير لالا خالتك ماشي هنا خرجت راحت تشوف وحدة صاحبتها من زمان مشافتهاش
اثير اهههااا بصح كيفاش خلاها ابو احمد ماشي من عوايدو
ابو احمد يعني انا مهدرتليش حتى الصباح انا برا وهي عيطتلي وقلتها قابل بصح لازم تدي معاك احمد ولا طيف و قالتلي اوكي بصح كي جيت ملقيتهاش وهوما خلاتهم هنا
اثير هو قال هكا و انا بديت نشك و نتقلق باين خرجتها في الوقت هدا و بالطرؤريقة هده و مدارتش حساب لراجلها فيها ان
وبقيت ناكل و نحاول منبينش القلق تاعي بصح قلبي ولا يوجع فيا وليت ندعي في ربي الي في بالي ميكونش صحيح شوية و صونا تليفوني عيطلي ابو احمد الخدام
هنا كلش شكوكي تاكدو لاني وصيتو ميعطليش غير ادا حاجة خطيرة
رديت عليه الو السلام عليكم
ابو احمد وعليكم السلام دكتور انت قلتيلي كون يجي واحد من العايلة تاعك هنا نخبرك و مدام ايناس هدا وين وصلت هنا قلت نعيطلك نخبرك
اثير قلبي قريب يحبس قلتلو ايه ايه المهم انت دير واش قلتلك وراني جاي مع الطريق كوبيت عليهم وطرت من بلاصتي
ام اثير يما ولدي وين رايح
اثير بلا ماندور ليها قلتها يما عيطولي من الخدمة لازم درك نرجع درك وفي الحين و طلعت نجري بلا مانبدل هزت حوايجي الي جبتهم و مفتاحي و تليفوني و خرجت نجري نسمع غير في يما و هي تهدر من ورايا
