اثير هدا مكان خصني توري في لافوطو تاع مرتي للرجال يما هده راح تهبلني قلتلها يما راح تهبليني مراحش تنساي الخدامة هده ووليتي تجيبلها في الرجال باه تزوجيها خليك منها راحت تموت و لا تتحرق واش يهمنا فيها
ام اثير واش بيك ياولدي انا تمنيت نزوجها وهي يتيمة وين تروح وشكون بيها انا قلت نزوجها و نستتها في دار حسانة عليا
اثير يما ملقيتيش حسنات غير اه تزوجي الخدامات
ام اثير خلاص المهم قولي مزدتيش تلاقيتي بالطفلة تاع الروسطورون
اثير في قلبي بدات الخطة تاعها ولات هي تسقسي و انا نكذب و كاره روحي يعني ادا موجعتليش قلبي على وتين الي هابل عليها راجل اخر توجعلي قلبي بالزواج بسيف تملصت منها شوية وهبط ابو احمد راجل خالتي عرفت خالتي راهي عندنا سلم عليا و خرج وليت قلت لما نطل نسلم على خالتي
طلعت ليها قلت هده هي الفرصة تاعي باه نعرف الحقيقة
طبطبت دخلت ليها تسالمنا ممبعد قلتلها خالتي معليش نسقسيك
ايناس تفضل وربي يستر منك و من الاسئلة تاعك
اثير انت كنتي متزوجة قبل ما تتزوجي بابو احمد و طيف
ايناس بتوتر وانت وين علابالك في الموضوع هدا وعلاش تسقسي
اثير حسيتها تقلقت و توترت حتى وجها صفار وليت قلتلها هدرتلي يما من مدة و الحقيقة تصدمت مكانش علابالي وحبيت نسقسيك انت
اينما اي ااا ايه ايه هههه امك هههه متعرفش تخبي الهدرة وصتها ومزالت تعاود في الهدرة هده
اثير يعني كلامها صح
ايناس ربي يعشك ولدي الموضوع هدا منحبش نهدر فيه ونتقلق و نتخنق منو
اثير خلاص متتقلقيش هدا غير سؤال و خلاص وديجا و علاش تتقلقي انت ماشي اول وحدة تتزوج و ميكملش المكتوب و تعاود تتزوج و تبني حياتها مع انسان اخر عادي
ايناس اي صح عادي بصح انا منحبش نتفكر راجلي الاول يجيو في بالي ذكريات منحبش نتفكرهم
اثير خلاص سكتنا احسبيني مسقسيتش خلاص و ياريت متقوليش ليما بلي سقسيتك خاطر وصاتني منهدرلكش علابالها تزعفي
ايناس هه خلاص منهدرلهاش بصح انت تاني متعاودش تهدر الهدرة هده
اثير هه وليمن راح نهدر انا او تعرفيني
ايناس علابالي حبيبي غير وصيتك برك
اثير المهم انا نخليك راح الحال عليا رايح نخدم
ايناس وعلاش رايح ماشي معندكش بزاف من الي جيتي
اثير عندنا الارث ونبت عند صاحبي اليوم باه غدوة نسجلو حضور في الوحدة
