ام اثير بصوت حاد و عصبية واش راكي تديري هنا و في فراش و بيت و لدي
وتين وقفت من الطيحة و غير نرعش قتلوني لخلاع من الخوف تبكمت و مقدرتش نهدر ولا نتنفس
ام اثير اهدري متسمعيش فيا نهدر واش كنتي تعملي في فراش و بين يدين ولدي
وتين وليت نمتمت وقلتلو اناااا ااا و دموعي ويدان لان وجها و نبرة صوتها و حتى ملامحها تبدلو كانها ماشي نفس المراة الي كل يوم نخجمها و هي تحن عليا
اثير بصوت هامس من التعب يمااااا انا الي قلتلها ابقاي معايا
ام اثير اثير هبلتي انت كيفاش انت تعمل هكا راح تحبسلي قلبي مستحيل نامن
اثير يما ربي يعيشك سكتي والله انت فاهمة الموضوع غلط
ام اثير اش من غلط شفتها راقدة و انت محضنها و تقولي غالط
اثير يما اسمعيني خليني نهدر انا البارح نمسح في الكابوس بالغلط خرجت رصاصة وجات في يدي وهي الي عاونتني
ام اثير يا يما ولدي جريت ليه ونمسلو في راسو وجبهتو و نحاول نعرف وين تقاس و انا قريب ندوخ من الخوف على ولدي
اثير يما يما خلاص مابيا ووالو جرح سطحي ووتين هي الي داواتني و خيطتو
ام اثير بفزع و خوف يا ولدي كون رحتي للسبيطار وعلاش مخبرتينيش راح نموت بالخلعة و كيفاش تقولي مابيك والو و انت متقدرش تهدر و تهز راسك
اثير يما قلتلك حاجة خفيفة و انا فشلان خاطر سال دم بزاف و الحمد الله سلامات
ام اثير بصح وعلاش هي في فراشك وانت محضنها
اثير احممم وتين روحي لبيتك
ام اثير بقينت نشوف مع وتين من فوق للتحت اااووف الحمد الله مابيها والو يبن انو كاينة حاجة ماشي نورمال
وتين بلا اي كلمة خرجت من البيت و انا مهبطة راسي وقلبي راح يخرج من صدري من الخوف من الصدمة خاصة نضرات الحاجة الي حسسني بلي انا وحة تاع الطريق لانها حسبتني راقدة مع ولدها في العسل معلابالهاش بلي ولدها عاصلي البصل في عينيا
انا البهلولة واش داني نرقد حداه والمشكلة كان محضني وراقد ياربي واش المواقف هدو الي نتحط فيهم بصح نشكر الرب لانه كان راقد و مشافنيش وانا حداه و هو محضني كون راني مت في بلاصتي دخلت للبيت شفت وجهي في المريا يخلع حتى معرفتش روحي وليت رحت للدوش تدوشت وبدلت قشي وحطيت راسي على المخدة و رحت في نومة تاع الموت
ام اثير اثير فهمني واش كانت الطفلة تدير عندك وواش صار بيناتكم
اثير اووووف يا يما من التفكير تاعك الطفلة البارح ليلة كاملة و هي سهران عليا مرقدتش خلاص دواتني و خيطتلي جرحي ممبعد حكمتني السخانة ودارتلي كمادات كل الليل واكدتعبت و غفات هنا من الارهاق وين المشكل
