اثير هههههههههههههههههههههههه هههههههه واش واش حايبة هههههههههه
وتين واقيلا انا مقلتش نكتة حتى تضحك راني نهدر مني بالصح
اثير وقفت و تخنزت فيها حتى رجعت زوج خطوات للوراء وقلتلها انت باينة هبلتي و عقلك تخلخل امشي طيري من قدامي خير مانسمع عليك المعسكر كامل وردي باااالك تزيدي تعتبي هنا و متوريليش وجهك المرة هده سكتلك المرة الجاية ندفنك بالحياة
وتين خفت من ردة فعلو و عينيه خرجهم فيا تاع بسيف حاكم روحو عليا وليت جمعت قوتي و قلتلو واقيلا راك فاهمني غالط انا مقصديش زواج زواج حابة زواج شكلي و محتاجة تكريلي دار نقعدو فيها انا و سلمى حتى نلقاو خدمة نعيشو منها و ممبعد كل واحد يشوف طريقو المهم منكنوش زوج بنات نطايشو في لطريق و هدا رد جميل بسيط على الي صار فا بسبتك حتى و لوكان مصار والو انت راجل ونورمالمون تكون عندك نخوة و متخليش زوج يتيمات يطايشو را و انا مميتاش عليك باه نتزوج بيك وبصح الي جابني ليك غير الضر لكبير
اثير امشيييييي اخرجي عليا بالصوت
وتين بصوت غاضب انت واش بيك متفهمش انا نقولك معنديش حل اخر انت اخر واحد ممكن نخمم نرتبط بيه بصح اخر شخص بقالي في حياتي محابش نخسرو و لا يتمرمد وانت هو املي الوحيد وراح نشهد معاك و تكمل خدمتك عادي ربي يعيشك نحلفك باعز انسان عندك اوقف معانا غير بالاسم و دار ياربي تكريلنا بيت وحدة حتى نلقاو خدمة
اثير كون يقولوي يا تتزوج بيها يا تموت نخير الموت و ين الخدم تاعك منحتاجهاش اشهدي واش تحبي بصح انا غير الهدرة هده نحيها من راسك و اخرجي عليا من هنا
وتين انت واحد ررخيس و حقير انا الفوتيف لانني جيت نطلب العون من واحد معندوش قلب و الا احساس و اناني ومقادرش حتى يدير خير في حياتو
اثير روحي روحي المعسكر معمر عسكر قولي لاي واحد منهم و شفت معاها من فوق لتحت و كملت قلتلها كامل يقبلو يخدموك ب اااا هههه بعينيهم
وتين خلاص درك نروح ديراكت للكولونال و نحكيلو حكاية تدمرك سمعتي انا خسرت كلشي في حياتي مبقالي والو بصح منخسرش وحدي و جيت راح نفتح الباب
اثير كلامها هيج الوحش الي فيا جريت بلعت الباب و حطيت يدي عليه و هي ولات محصورة بيني و بين الباب حطيت عينيا في عينيها وبيني وبينها مسافة صغيرة و قلتلها بين سناني اول مرة و اخرة مرة تهدديني ولا تحسبيني نخاف انت و خدمتي و صاحبتك ننعفسكم بسباطي و نفوت و لا يهمني انت معلابالكش انا شكون ولا واش شايف في حياتي وواش خسرت ومكان حتى واحد في الدنيا هده ممكن يلويلي دراعي و لا يحطني قدام الامر الواقع وكون تخممي مجرد تخمام انك تتبلاي عليا و لا تكدبي و الله و الله و الغالي والله ندفنك انت و اختك ولا صاحبتك بالحياة
