سلمى مشكيتش صاحبك عندو مشاعر ولا احساس من اصلو وانت وهو ماشي كيف كيف
علي لالا و الله راكي ظالمتو وبزاف اثير انسان مليح واخلاقو عليا و قلبو مليح بصح الي فات عليه ماشي قليل الضروف تاعو كانت صعيبة هوما الي خلاوه يبانلك قاسي بصح في الاصل مكانش كيفو وواحد مايقدر يحمي وتين و يكون ليها سند غير هو
سلمى ممكن املا اطلقي خليني نجهز روحي
علي وعلاش تجهزي روحك
سلمى ههه حابني نخلي صاحبتي و اختي في نهار زواجها تحلم حتى ولوكان زواجهم شكلي بصح يتسمى زواج لازم نوقف معاها و نساندها
علي بصح اثير ................
سلمى ميهمنيش في اثير تاعك انا رايحة لاختي ربي يعيشك علي متمنعنيش
علي اووووف منك ايا خلاص روحي جهزي روحك و امري على ربي مبقاش حال
سلمى جهزت روحي بالخف ورحنا انا و علي عيطنالو لقيناه هو تاني مزال موصلش ووصلنا قبلو علي بقا برا و انا دخلت لقيت الحالة كالم عيطت عليها وتيييين
وتين كنت قاعدة غارقة في همومي حتى سمعت صوت سلمى يعني هدا صوتها صح مرانيش نحلم واقيلا هبلت من التخمام ولا عداني هداك المتوحش بالهبال تاعو شوية و لقيتها واقفة قدامي
بقيت غايسة فيوجها و كانني منيش مامنة بلي صح راهي قدامي قلتلها سلمى جيتييي وجريت حضنتها وكانني حابة نتكد بلي راهي صح هنا
وليت نبكي كي حسيتها حضنتني تمنيت نخرج كلشي في قلبي وربي بعتلي سلمى في الوقت المناسب
بعد السلام و الدموع و التحضان قعدنا و حكيتلها كلي وهي حكاتلي على الهدرة الي قالها اثير لعلي على اساس انو يبعد عليه بنت عمو اللصقة
وانا تاني محبيتش نهدر لسلمى على السبب الحقيقي خفت تهدر لعلي و هو يهدرلو و نولي في مشكل و محبيتش نهدر على يما الي مجرد مانتفكرها نتغم
شوية و سمعنا صوت الوحش الي يزعزني هو ومعاه علي و الشيخ الي يفتحلنا
سلمى هيا خفي نوضي البسي وبدلي حاجة مناسبة
وتين راني مبدلة واش خص اللبسة الي لابستها
سلمى تهدري من نيتك انت لابستني جيب نوار و شوميزي من وقت العهد العثماني
وتين معنديش غيرهم و سروالي تاع الجينز قالي منزيدش نقبلك تلبسيه واش نلبس سيرفات ولا بيجاما
سلمى لالا عندك لاغوب الي شرينا في الدير
الباج
وتين لالا والله نحشم
سلمى نوضي امشي قدامي عقدتني معاك امشي
وتين وليت سكتت و طلعنا
