اثير جات ام عادل و جابت علبة الاسعافات قلت لوتين بالشوية و بصوت اول مرة نهدر بيه من سنين اصبري راح نوجعك بصح تحملي هكا و لات هزتلي راسها و دموعها شلال عاودت هزيت يدها لقيتها ولات كامل فقاعات تاع الحروق لبست فقازات و نقيتلها الحرق و نحيت الجلد الميت يما كي شافتها تبكي ووجهاولا احمر من الوجع و تتوع راحت قالت منقدرش نشوف داتها ام عادل وراحو وبقيت غير انا وهي وباينة موجوعة ولات حاكمة بيدها الثانية يدي الي نداوي بيها من زندي و تضغط هليها بكل قوتها من الوجع الي حاسة بيه و كانها تدي مني القوة باه تتحمل اكثر حتى ضفارها تغرسو في لحمي بصح مهتميتش بقيت نداوي فيها بصح لمستها عملت فيا شي اخر قلبي رجع يرجف معلاباليش علاش يصير فيه هك كي تكون هي قريبة ليا بلاك خاطر من زمان ممسيت حتى طفلة
ولا تشتتو افكاري ومعلاباليش واش صرالي وقلبي الي يرعش هبلني ومبقاش فيا لا عقل لا والو وانا نحاول منبينش قدامها اني متاثر كملت داويتها و لفيتها يديها بصح كي شفت مع يدها الي حاكمتني بيها جمدت في بلصتي
يدها ولات زرقة مايلة للبنفسجي الغامق و الدم محصور فيها منظرها يخوف
اثير واش بيها يدك الثانية
وتين جبدت يدي لانه كي حكمها دارلي زلزال تاع مشاعر في القلبي المريض بيه قلبي الخاين قلبي الرخيس كي القط الي يموت على خناقو المهم جبدت يدي وقلتلو بصوت مهزوز من الوجع مابيا والو
اثير كي نسقسيك جاوبيني وكي نهدر معاك هزي راسك و شوفي معايا
وتين بلعت ريقي و شفت معاه عينيا في عينيه هنا انا كل حصوني ولاو غبار من نضرة عينيه حتى الوجع الي كنت حاسة بيه دابا وراح وليت حاسة غير بالسخانة في كل جسمي حتى الهدرة ذهبتلي
اثير بقات غايسة وهي تشوف مع وجهي تحسها ماشي في وعيها وليت قلتلها بحدة راني نستنى في الرد تاعك واش بيها يدك
وتينهو هدر معايا بهديك النبرة و انا رجع كل وجع كان غايب في اللحضات الي فات و رجعو الدموع الخاينة يسيلو ياربي واش راهو يصير معايا و فيا و علاش كل مايقرب مني ننهار و نفشل و نبدوب و ليت هبطت راسي لانني ماشي قد سحر عينيه حتى حسيت يدو على خدي تمسح في دموعي بكل حنان و رقة غمضت عينيا من هدا الاحساس
اثير انا نهدر معاها و هي تبكي وبقات غايسة في وجهي تشوف معايا بنظرة معرفتهاش واش معاناها وكانو في عينيها الف سؤال بدون جواب و تحوس على الاجوبة تاعهم في عينيا وانا وليت نشوف مع ملامح وجها الي كل مرة بشكل نهار تولي ترجع في الهدرة تحسهم اديين و كي تبكي تضهر برئية يعني انا كل يوم نشوفها بصح ولا مرة دققت في وجها واول مرة نتوله لتفاصيلها عينيها مجبودين لكن كبار و ولونهم اصفر و اخضر يعني لون نادر يدوب العقل اما شواربها عالم اخر تحسهم من بوسة يدوبو جاني احساس اني اول مرة شوفها الحقيقة تتقال جمالها فريد من نوعو جدابة لحد الادابة فاتنة تطيح اكبر قلبو عقل وليت حاس روحي غبي بهلول بلا عقل و قلبي ولد الكلب بهدل بيا حتى وليت خايف هي تسمع ضرباتو الي وليت انا نسمع في الصدى تاعهم في الصالون الفارغ
