ام اثير واش كاين هنا
وتين اسمحيلي خليتك وحدك القرعة تاع الماء فرغت و الطاس تاني هبطت نعمرهم و لقيت الدكتور
اثير يما راكي لاباس واش هبطك نص ليل و جريت حكمتها من يدها و رجعتها لبيتها و انا قلبي يخبط خفت تكون سمعتني وانا نهدد في هديك المصيبة وليت ديتها نقود فيها لبيتها و عرفتها من وجها بلي مسمعت والو
وتين بقيت مسمرة في بلاصتي من الخلعة الي حكمتني من كلامو حب يتبلا عليا كون يهرلهم نحفلهم واش نحلف ميامنونيش ويطيشوني في الطريق وليت عمرت الطاس تاع الماء انا نرعش وعقلي يتوقع في اسوء الاحتمالات دخلت للبيت تاعها كان الضو شاعل وهو مكانش عرفتو وصلها وراح لبيتو
ام اثير يا بنتي وينك كي فطنت وملقيتكش تخلعت قلت بلاك رحتي و خليتيني بسبت ولدي
وتين لالا الحاجة وين نروح انت علابالك في البير و غطاه وانا عندي غير ربي من فوق و انتم وادا على ولدك راني نستحملو و نسكت على وجهك
دوت وجهي لقيتو ورايا واقف و عينيه شاعلين عرفتو راح تخرج روحو من العصبية قلت في قلبي اليوم نهبلك
ام اثير ربي يسترك يا بنتي والله من نهار دخلتي الدار هه وانا متونسة معاك و حتى القلق و الخنقة الي كانت تحكمني راحت عليا
حتى بناتي و مقاموش بيا كيفك ربي يوقفك ويهنيك و يبعتلك ولد الحلال الي يستاهلك و يعوضك
وتين لالا الحاجة متقوليش هكا هدا واجبي انت راكي تخلصيني يعني ماشي ببلاش و موفرينلي سكن والرب بلا بيكم منعرف واش صار فيا ربي يجازيكم و يرضى عليكم
ام اثير و يرضى عليك يا بنتي و ادعيلي ربي يحل عقدة ولدي اثير انت يتيمة و فقيرة و الله يستجاب لعوة اليتيم بلاك ربي يهديه و يقبل يتزوج و يطيحو ربي في بنت لحلال الي تهنيه و تفرحو و تعمرلنا الدار ولاد ونشوفو هاني قبل مانموت
وتين عاودت دورت وجهي حابة نشوف ردت فعلو و كيما توقعت وجهو ميضويش باين خايف على امو ولا راهو حرق الدار فوق روسنا ههههه في قلبي مت بالفرحة وليت نسمع غير في صوت الشهيق و الزفير تاعو تحسبو تنين
بصح الي بقات في بالي هي كلمة العقدة و هده ماشي اول مرة نسمع الكلمة هده قتلني الفضول و نعرف واش بيه وليت دورت وجهي و قلت بالشوية ههه وشكون الي داعيين عليها والديها بالشر و تقبل بيه
دورت وجهي بالشوية لقيتو واقف وريا مباشرة و باين سمع واش قلت عيينيه راح ياكلوني ومزير القبضة تاع يدو تاع بسيف حاكم روحو عليا ااااف واش داني ننطق ندمت على كلامي لانه في حالة ماشي مليحة و زدت بهدرتي وانا راني في موقف ضعيف درك يدور عليا و يحاول ياديني
ام اثير واش قلتي بنتي
وتين الحاجة ربي يستجيب لدعوتك ويفرج ربي عليكم كامل ماشي غير ولدك انا نروح يا لحاجة نرقد في بيتي تصبحي بخير
