وتين انا شفت العقرب قدامي و انا طرت من بلاصتي الخوف مشا في كل جسمي يعني مدام هي جات باينة عرفت بزواجنا
محبيتش نهدر ولا كلمة وحابسة في بلاصتي وام احمد راحت و خلاتني معاها عرفتها راحت تقول لراجلها يخبر اثير وقتاش راح يلحق و يحميني من الحية هده
سارة اوووو وتين اهلا واش احوالك بابتسامة خبيثة عاش من شافك
وتين لارد غير نشوف فيها
سارة واش بيك تشوفي فيا هكا ووجهك اصفر واش مراحش تضيفيني في داركك
وتين بلعت ريقي و قلتلها واش جابك هنا
سارة جيت نباركلك على زواجك مالقري جيت روطار شوية هههبصح علابالك زواج تاع السر هدا مراحش تتهناي بيه لانه يبدا و يكمل وواحد ميسمع بيه
وتين بحدة امشي اخرجي برااااااا
سارة وعلاش نخرج هدا هو خيري جاية نهنيك و نباركلك تزعطيني بصح هدو هوما الي كيفك تربية شوارع ميعرفوش الاصول اكيد راح تعضي اليد الي تمدتلك بعد مالمتك من الشوارع و عملت انسانة وحماتك وعامتلك كيما تعامل ولادها درتي عليها و تلويتي على ولدها و تزوجوتي بيه بصح مع من انا نهدر مع وحدة مرباوهاش ماليها و طيشوها في الميتم لا لوم عليك
وتين انا صح تربيت في الميتم بصح مربية خير منك
سارة هههههه ايه باينة عايشة في دار راجل وحدك باينة التربية هههههههههههه
وتين اعرفي واش تهدري و تخرجي من فمك هدا الراجل الي تهدري عليه راجلي ومتزوج بيا على سنة الله و الرسول
سارة ااااااااااااااا راجلك واقيلا هههههههههه راكي عايشة الدور
فطني مع روحك اثير متزوج ومرتو تشواك انت و عشرة كيفك و انت باين مخليك لعبة كي يكون كاره يجي يلعب بيك ونهار يمل منك يطيشك في الطريق الي جيتي منها
وتين امشي عليااا اخرجي من داري ولا راح نعيطلو هو الي يجي طيشك برا وبطريقتو
سارة ههههههههههههههه لالا حبيبتي متعيطيلو ولا تعبي روحك راهو لاهي مع مرتو علابالك هو مزال عريس ههههههههه اوووو او علابالك غارقين في العسل
وتين كداااابة تكدبي كي ملقيتي ماتديري تقولي نجي نطلق السم تاعي عليها امشي ابلعي سمك و امشي من داري
سارة الكذب تاعي هههههههههههههه
اووو باين قالك يما مريضة و هو معاها ياعمري ميقدرش يخليها و حاسبتني انا نكدب ايه صح عندك الحق تكدبي بصح لا يمهمك انا درك نوريلك الدليل على صحة كلامي و اعطيني رايك اااا اوكي وجبدت تليفوني جبتدت الصور تاع عرسو و الخطبة تاعو و قلتلها هاكي شوفي
