اثير انت طالق وامنيني مراحش نخليك تزيدي تشوفي وجهي لمهم متديري والو في روحك
وتين مع سمعت كلمة طالق وليت نبي بالصوت خاصة كي شفت نضرات الخوف و الرعب في عينيه كنت طالبة الطلاق و كي طلقني كنت نقول درك نرتاح بصح صار العكس لانني مقادرة نعيش معاه ولا قادرة نعيش بلا بيه
كان لازم نطيش الزجاجة من يدي لان الي طلبتو صار بصح لمننعيش نعيشش باه نزيد نتعدب و نتمرمد نعيش باه نعيش القهر و الانكسار مرة اخرى واش بقالي نزيد نخسر خسرتكلشي وليت غمضت عينيا وضغطت على الزجاجة اكثر و انا نحس روحي راح تخرج من الوجع في يمس روحي و جسدي
حتى حسيتو حكملي يدي بقوة نحالي الزجاجة من يدي و حضني فتحت عينيا لقيتو واقف قدامي وانا واقفة كي الصنم بلا اي حركة بصح كي حضني كانت روحي خرجة من جسدي و هو الي رجعهالي
اثير الغبية البهلولة كانت راح تقتل روحها صح انا غلطت و عندها الحق بصح باه تقتل روحها لالا
ندمت ندمت على الي عملتو و بسيف عليا خرجت كلمة الطلاق من فمي ماشي خاطر حايب نطلقها ولا صح طلقتها لالالا كنتحاب نسايرها باه متعمل والو و كنت حاسب كي تسمع الكلمة هديك تطيش من يدها الزجاجة و بصح الي صار خلاني نتفاجء بيها كي عادتها غمضت عينيها و ضغطت اكثر على رقبتها ولدم ولا يسيل بقوة هبلت من المنظر هدا وعقل مبقا فيا طرت ليها حكمتها من يدها و انا موليتش نضوي نحيتلها الزجاجة طيشتها بعيد و حضنتها مجرد الفكروة انها تموت تقتلني
كانت ترعش و سمها بارد كي الثلج و عايمة في دمها
دمرتني تمنيت نتدفن في ارضي ولا نشوفها في الحالة هده وليت هزيتها و خرجتها من الدوش حطيتها على الحافة تاع السرير وجريت جبت العلبة تاع الاسعافات وقعدت قدامها على ركايبي و بديت نداوي فيها و هي جامدة حتى الترماش مترمش وكانها جثة بلا روح
وليت مسحتلها الجرح تاع رثبتها خيطتو مكانش كبير و لا غامق بزاف و رجعت ليديها لقيتهم معمرين زجاج نقيتهم بلملقط كل مانجبد زجاجة نشوف معاها وهي محاسة بوالو كملت داويتلها يديها و غطيتها بالضمادات
خوفي في الجمود تاعها الي مكان حتى ردت فعل غير الدموع الي يهبطو و يتخلطو في دمها وليت قستلها لاطونسيون و السكر و الحرارة تاعها كلشي كان طبيعي غير لاطونسيون شوية هابطة وليت رقدتها في بلاصتها و غطيتها و غلقت الباب تاع الدوش بالمفتاح و هبطت للكوزينة درتلها حاجة تاكلها و طلعت لقيتها مزال في نفس الحالة حالا عينيها و تشوف بلا اي وعي غير تبكي
قربت ليها قلتلها بالشوية لازم تاكلي لانك خسرتي بزاف الدم
وتين لا رد
اثير راني نهدر معاك جاوبيني
وتين بقيت ساكتة مالقري كنت نسمع فيه و نشوفو كي كان يداوي فيا وكل حركة منو وجعتني بصح الوجع تاع قلبي وروحي يوجع اكثر
