وتين بلاك ناس بزاف يقولو بلي انا هبلت ولا بهلولة ولا بالنية بصح كي سمعت كلام الحاجة عرفت بلي الطلاق هدا راح يديرلنا مشاكل احنا في غنى عليها وخاصة في الوقت هدا اهلها حسب كلام الحاجة ناس شراننين وخفت توصل بينهم و بين اثير لمشاكل كبار وتصرالو كاش حاجة و انا شكون عندي غيرو هو حبيب قلبي وابو ولدي انا راح نقدر نصبر شححال من شهر وهي هنا بصح كون تصرالو هو حاجة راح نخسرو العمر كامل بصح القلب لحمة ماشي حجر رغم قلت متطلقهاش بصح كي قال قابل نخليها تقلقت و قلت بالسهولة هده قبل يرجعها عادي على الاقل كون خشن راسو شوية يعني هو بلحضة طلعني للسماء و ردخني في الارض
بقيت ساتة و الحاجة طارت بالفرحة حتى انها ناضت وولات تبوس فيه وهو تبسم معاها ببرود وناض وخلانا انا بقيت مع الحاجة درتلها فطور وكلتها و طلعتها لبيتها دوشتلها لبستلها كيما زمان وبقيت معاها للعصر حتى رقدت صح كنت قاعدة ونبان كالم بصح قلبي النار شاعلة فيه
المهم خليتها راقدة و طلعت لبيتي قلت ندوش و نبدل مع دخلت لقيتو في بلاصتو ويهدر في التليفون تجاهلتو و جبدت قشي انا جيت داخلة للدوش حتى لقيتو قالي
اثير وين
وتين للدوش
اثير هاو الدوش قدامك وعلاش رايحة للدوش الي برا
وتين بكيفي
اثير واقيلا لسانك طوال يا تقصريه يا نقصو واش رايك
وتين دورت ليه حبيت نرد عليه بصح وليت نخاف من المشاكل وليت غلقت الباب و دخلت للدوش تاع البيت تدوشت لبست سورتي دوبان وخرجت وهو مزالو في بلاصتو وقفت في المرايا نمشط في شعري وغايسة حتى حسيت بيديه على خصري وحط راسو في رقبتي وشمني بقوة من رعشت قلبي طاحتلي المشطة من يدي وليت قلتلو بالشوية واش راك تدير
اثير راني نتطمن على ولدي واش احوالو
وتين وعلاش ولدك في شعري
اثير بكيفي انت واش دخلك
وتين اثير بعد خليني نمشط
اثير منبعدش واش راح تديرلي
وتين بعدتلو يديه مني ومشيت بعدت عليه وووقفت حدا الباب و قلتلو بصوت مخنوق انت وعلاش تديرلي هكا
اثير وليت نار من العفسة تاعها تاع تبعدني عليها بصح حاولت نتحكم في اعصابي وليت قلتلها بحدة انت واش درتلك انا
وتين وعلاش تتبهلل في روحك انت ماشي قلتيلي الزواج هدا شكلي ومدة وخلاص املا وعلاش مخليهالي هنا
اثير بصوت عالي و عصبي انت واقيلا مهبولة ولا حابة تهبليني انا طلقتها و انت تقوليلي خليها طلقتها زعفتي خليتها زعفتي كيفاش ندير معاك انا واش حابتني نديرلها واش تحتاجي ندير ااا فهميني والله روحي خرجت منك
