اثير جاوبيني جاوبي و لا اليوم نقتلك
وتين بقيت غير ساكتة و نبكي من الخوف و الوجع تاع يدي الي جرني منها و ظهري الي تكسر من الخبطة الي خبطهالي بلا الوجع تاع قلبيالي نحسو مكسور و انا نشوف مع عينيه الي كنت كل مانشوف معاهم قلبي يطير من الفرحة درك نشوف فيهم غير الذل و القهر و الخوف الي عيشهولي
اثير متجاوبيش ااااااااااااااا سكتي واش هبطك من السيارة و علاشششششششش قلتلك متهبطيش ولا شفتي واحد عجبك و قلتي درك نخرج نديرلو عرض ببلاش ولا توحشتي الناس وهوما ياكلو فيك بعينيهم توحشتي الخزرات تاعهم قلتي هده هي فرصتي نرجع للماضي ونكسب شوية معجبين
جاوبييييييييييييي جاووبي وهبطت للمستواها و حكمتها من دراعها و قلتلها جاوبي متخافيش منديرلك والو خاطر انت وحدة مسخة و حقيرة و تعرفي رايي فيك واش هو ومراحش نوسخ يديا فيك حاب برك نعرف وعلاش هبطتي
وتين يهدر و يزر على يدي و انا غير نبكي الوجع تاع جسمي مقاعدش يوجع فيا قد الوجع تاع روحي و قلبي مكسورين وانا نشوف في عينيه نظرة تاع كره و حقد و احتقار في الحضات هدو كرهتو كره ربي وحدو الي عالم بيه هدا وحش ماشي انسان كيفاش يدل انسانة لاحول لها ولا قوة و لا سند و لا اهل
قيت ساكتة و هو يهدر و يعاير
اثير راح نطلع نبدل وخمس دقايق نهبط كون منلقاش العشاء جاهز متلومي غير روحك و طلقتلها يدها و طلعت
وتين راح و خلاني مرمية في الارض كي الكبة وليت تكيت على يديا و بسيف وقفت من الوجع تاع ظهري جريت روحي باشوية و خرجت للحديقة فوق الي عملو فيا كامل حاب نولي خدامة عندو و نديرلو يا كل ياكل السم الي يسمو كون يموت ومنديلوش اصلا واش راح يعملي اكثر من الي عملو قعدت في الكرسي الحديدي الي في الحديقة و لميت رجليا لصدري وكل درة فيا متمنيا نعيط بالصوت باه نخرج القهر الي في قلبي من الدل الي شفتو في حياتي لا اهل لاحباب ولا اخ يندني و لا حتى اخت نحكيلها ضري
بقيت في حالة هديك و زاد البرد قتلني و الوجع ولا اكثر كي بردت زادني الوجع حتى دموعي ولاو كي يوصلو لخدي باردين حتى حسيت واحد واقف عند راسي حتى الظل تاعو غطاني
اثير حبيت نشرب من دمها بعد الي عملتو بصح عينيها كي شفتها وهي تبكي كتفوتي و ربطوني وليت تمني تهدر و ترجع الهدرة كيما موالف باه نبرد النار الي في قلبي على الشفات و الفضيحة الي عملتهالي بصح هي حرف ماقالتو غير تبكي
حبيت نستفزها باه تهدر قلتلها ديرلي ناكل غير باه تخشن راسها والو ملقيتيش كيفاش نهدرها باه نبرد قلبي فيها و هي كي الصنم وليت طلعت و خليتها بدلت و غسلت وجهي بلاك نتكالما شوية و هبطت دخلت للكوزينة ملقيتهش رحت للصالون مكااانش وليت كي المهبول نحوس عليها من بيت لبيت قلت باين عاودت هربت كي عاودت هبطت لقيت لافاليز تاعها عرففتها مهربتش وليت خرجت برا للحديقة سمعت صوت بكاها و الشهقات تاعها باين موجوعة بزاااف قربت بالشوية سمعتها تهدر بينها بين روحها وكان واحد معاها و تشكيلو خاصىة كي قالت لا اخ لا اخت لا سند ولا واحد نحكيلو همي
