وتين هو راح وانا طلعت لبيتي ورقد من التعب و القهر و الخوف تكمشت في بلاصتيودخت معلاباليش شحال و انا راقدة لانني كي فطنت لقيت الدنيا ظلمت وليت هبطت لتحت للكوزينة مليق حتى واحد عرفتو مزال مجاش تنفست براحة بصح وليت خايفة لانني وحدي في الدار هده وهي كبيرة وليت طلعت لبيتي جبدت حوايجي ورحت للدوش تاع الحاجة قلت هكا ميدخلش هنا و يحوس عليا عمرت لابينوار و دخلت فيه بعد مادرت ليدي المحروقة ساشي و بقيت تم والف فكرة في بلي خوف رهبة قهر وين رايح بيا زمان و لوقتاش نبقا نتحمل وكون يزعطوني ن هنا وين نروح يارب متخلينيش هكا حياتي كامل معرفتش نهار مليح و حتى كي يجيني لفرح نخاف لان كل فرحة في حياتي يجي موراها ميبة تدمرني و تكسرني انا هكا حتلى لقيت الضو راح و انا عندي فوبيا من الظلام و الاماكن المغلقة وليت نضت من لابينوار و انا نبكي و نرعش حتى النفس وليت بسيف نتنفس وصلت للباب لقيت القوطة تاع الحاجة لميت روحي ووليت نتلمس في الحيوط ومعلاباليش وين نروح حتى وصلت للدرابزي تاع الدروج سمعت الباب تفتحت وضو خفيفي من بعيد غير يقرب ليا جريت بلا مانخمم للضو هداك و لوحت روحي ليه الحاجة الوحيد الي عرفتها ريحة مجرم الحرب قلت هو و لا الرهبة وبلا وعي حكمت فيه وكاني راح نموت و هو قارب النجاة
اثير من الخلعة تاع التحينة طاح التليفون من يدي في البدية استغربت لان الجم صغير و مبلول و سخون من الخلعة حبيت نبدها عليا بصح صوتها حبسني عرفتها بلي هده بلوة حياتي وهي تشهق تعاود في بالي نفس الموقف و نفس الضلمة و نفس الرجفة و نفس الصوت و كان الزمن يعاود في روحو انتبهت عليها ترعش و تشهق بالصوت
وليت قلتلها بالشوية اسكتي انا اثير راني معاك واش بيك خايفة
وتين انا سمعت صوتو و قالي انا اثير حكمت فيه بكل قوتي حتى صباعي و ضفاري غرستهم في صدرو لان من الشد بزاف تقطعو القفالي تاع قمجتو وانا غير ندخل روحي في صدرو ولا وعي بواش راني نعمل حسيتو هو الي يقدر يخرجني من الظلمة و الخوف الي فيا
اثير انا قلتلها انا اثير و هي كبشت فيا بكل قوتها حتى ضفارها دخلتهم في صدري معلاباليش واش وصلها للحالة هده جات في بالي الفكرة بلي تمثل بصح مستحيل التمثيل يونهكا لان خوفها و شهقاتها تاع وحدة عندها نوبة خوف قري من حاجة معينة و اغلب الضن من الضلمة اول رد فيعل حضنتها بقوة وقلتلها بالشويو اهدي اهدي و كالمي روحك راني معاك بدات تتكالما وانفاسهابداو يتريقلو وليت هزيتها و هي والتليفون و درت الضو و هبطتها للصالون بالشوية و هي متعنقشة في رقبتي منحكيلكمش واش عمل فيا القرب تاعها بهدلني و قلبي نحسو راح يخرج هي عندها فوبيا من الضلمة و انا عندي فوبيا من القرب تاعها ليا حطيتها على الفوتاي وقعدت شوية حسيتها غمضت عينيها نضت بالشوية خرجت للحرس وبديت نعيط عليهم من قهري وخوفي عليها ايه خفت عليها واول مرة نخاف على مراة و شكون مصيبتي
