وتين اثيييرررر هو شافني و هو تخلع وانا قلبي ولا يوجع وفشلت لالالا مستحيل اثير يخوني لالا مستحيل ملقيتش كلمة تعبر على احساسي ولا كلمة ممكن نقولهالو وليت دورت وجهي ورجعت للبيت بخطوات بطيئة لان رجليا موليتش نحس بيهم
اثير بعد مارجعت انا ووتين لبيتنا هي حطت راسها و انا مقدرتش نطلب السماح منها رغم اني غالط في حقها و هي تحملت مني بزاف وليت حضنتها بلا اي كلمة حبيت تفوت مدة و نديها لكاش بلاصة ترتاح فيها و نفوتو وقت و تم نقدر نعوضها و نطلب منها السماح حسيتها غفات وانا نضت للميكو تفرجت شوية
حيت روحي عطشت هبطت لتحت نجيب قرعة ماء رحت للكوزينة و جيت راجع فتت قدام البيت تاع ايمانسمعت صوت تاع الضحك و الهدرة بالشوية بقيت واقف ونتصنت حستو لا تيلي بصح ممبعد تاكدة بلي هدا صوتها مع من تحكي هده على 2 تاع الصباح وليت فتحت ابالباب بقوة هي شافتني و هي وقفت و التليفون طاح من يدها
ايمان مت وقلتلو بصوت يرعش اثييييررررررررر
اثير وليت غبقت الباب وجريت هزيت التليفون لقيت المتصل كوبا فتحت جهات الاتصال لقيت اخر رقم هادرة معاه قريب ساعة و الرقم بلا اسم وليت ضغطت على زر الاتصال بالخف رد وكان صوت راجل
قال اولو حبي وين رحتي
هزيت راسي تخنزرت فيها و عينيا نار وهي حالة عينيها وترعش حتى سنانها ولاو يضربو في بعض كوبيت التليفون وانا كل درة فيا ترعش وليت نتخيل فيها علياء واقفة قدامي ماشي ايمان وليت قلتلها بحدة و بصوت خافت شكون هدااااااا
ايمان لا رد غير نرعش
اثير قربت ليها اكثر و بصوت اكثر حدة و بنبرة غضب متخلينييييش نعاود كلامي مرتييين
ايمان بصوت متقطع و يرعش ممممم علابايش شكوووون
اثير معليش نتكدو
وليت عاودت فتحت التليفون و حطيت المكالمة قيد التسجيل و عاودت عيطتلو عاود هز عليا
قال الو حبيبتي وينك وين راكي تروحي الووو
اثير اشرتلها باه تحكي وهي غايسة في وجهي و تاشرلي بيدها لالالا تخنزرت فيها هي شافت حالتي و هي قالت
ايمان ااااالللو
المتصل وينك وين رحتي واش بيك بسيف تهدري كشما واحد جاء ليك
ايمان بلعت ليقي و قلتلو لالا غيرر ااااا عييت و جاني الرقاد
المتصل اووو عييتي موالف نسهرو للصباح كيفاش حتى اليوم جاك الرقاد و انا متوحشك حاب نحكي معاك
ايمان يا صح غدوة
المتصل قبل ماتكوبي وقتاش نتلاقاو مدة مشفتكش
