اثير تسمرت في بلاصتي حسيت الوقت حبس وروحي قاعدة تخرج مني بالشوية جرات يما و ام عادي ليها و انا متحركتش خلاص وهوما يحاولو يفطنو فيها يما تضرب على فيها على وجها و ام عادل جرات جبتلها الماء تغسلها في وجها باه تفطن دورت وجها ليا يما شافتني جامد في بلاصتي ناضت تعيط عليا و تقولي اجري للطفلة واقيلا ماتت ولا يموت الي في كرشها كان صوت يما كافي باه يفطني نزلت بخواة ثقيلة خايف نوصل ليها و نلقاها بيها حاجة
ام عادل دكتور شوفها وشوف واش يوجعها خايفة الطفل يطيح ولا هي كشما يصرالها هيا ندوها للسبيطار
اثير مسيتلها رقبتها لقيت قلبي يضرب بشكل طبيعي وليت هزيتها حطيتها فوق الفوتاي و جابتلي ام عادل الريحة درتهالها و نضرب فيها على خدودها بالشوية ويدي ترعش و رعشت صوتي اقوى وتييين وتييين حلي عينيك بجاه ربي وتين بصوت مخنوق
وتين فطنت الصباح لقيتو راقد حدايا و حاط خشمة في رقبتي وراقد تسحبت من حداه بالشوية و قلت لازم نلم قشي هبطت لتحت لقيت ام عادل لقاتني لميت قشي الي منشور قالتلي وين مديتو قلتلها راح نطويه
ام عادل الصباح قاي الدكتور عيني عليك
وتين ايه ههه خاطر البارح كنت مريضة شوية و خاف عليا
ام عادل على سلامتك
وتين الله يسلمك المهم اسمحيلي نطلع طلعت و خليتها و انا نخمم وين نروح وين بيها الدنيا ظلمتني وحتى سقف يخبيني معنديش يعني نروح لسلمى و نقعد عندها مدة و نشوف خدمة حتى نوقف على رجليا ونروح من عندها اااه ياربي لوقتاش نبقا متحملة و نعفس على كرامتي و كبريائي الي عفسوه العباد برجليهم خاصة اثير دمرني وليت خفت نروح علابالي كون يلقاني يدفني بالحياة ولا يخليني نروح املا كان اخر قرار لازم يختار يا انا يا هي في الدار هده على الاقل كون يختارها منشوفش بعيني كيفاش يروح ليها نموت في الطريق ولا نتحمل نشوفو معاها وليت غسلت و جهي و بدلت وهبطت درت فطور للحاجة فطرتها و دوشتلها بدلتلها و بقيت قاعدة معاها شبعنا هدرة لان في المدة الي فات و هو كان يخدم تحسنت علاقتنا اكثر حتى انها تعلمني في اصول الدين الاسلامي حتى انها قنعتني في بزاف امور المهم وصل وقتالظهر هي ناضت تتوضا و انا قلت نروح نشوفو ونهدر معاها انا فتحت الباب و انا لقيتهم في زوج واقفين و هي لاصقة فيه وهو حاكمها من دراعها
نا شفتهم و انا نحس روحي بدات تخرج من جسمي شفت جاي ليا هربت منو وجيت هابطة في الدروج محسيت غير كي تلوا رجلي كي وصلت للارض حاميت بيديا على كرشي بصح كي تضرب راسي مزدت حسيت بوالو حتى مدة معلابايش شحال نميع في الاصوات يعيطو باسمي و مانيشي عارفة صوت من بالشوية حتى بديت نعرف بلي صوت مجرم الحرب بصح مقدرتش نفتح عينيا نسمع واش صاير حاوبت بسيف بديت نحس في الضو يدخل لعينيا و ام عادل تقولي واش يوجعك معندكش نزيف وانا نقول في قلبي روحي الي الي مجروحة و تنزف ماشي جسمي وليت بالشوية قلت لام عادل لالا راني لاباس حاولت نهز راسي مقدرتش
