Falling in love with Sunflower 🌻(Completed)

အပိုင်း ( ၅၄ )

Unicode....

''မနက်အစောကြီးထလာပြီး လွှာငယ့်အိမ်ရှေ့တည့်တည့်မှ ကော်ဖီဆိုင်လေး၌ထိုင်ကာ တစ်ဖက်အိမ်ထဲမှကောင်မလေးအား လာစောင့်ကြည့်မိသည်။ဆိုင်ထဲမှာထိုင်နေသည်မှာ လေးဆယ့်ငါးမိနစ်ပင်ကျော်လာပြီး
လွှာငယ့်အိမ်ရှေ့ကဆိုင်ခန်းများပင် ဆိုင်ဖွင့်ကြပြီဖြစ်သော်လည်း အိမ်ထဲမှအရိပ်အယောင်လေးကိုပင်မမြင်ရသေးပေ...။
မနေ့ညကသူ့ကို မူးမူးရူးရူးနဲ့ကတုံးကောင်လို့
ပြောသွားသောကောင်မလေးကို တွေ့ချင်လွန်းလို့ အိမ်ကိုပါမရမကစုံစမ်းထားရခြင်းဖြစ်သည်။သူတို့တွဲနေတုန်းက ရပ်ကွက်ကိုပဲပြောပြထားတာမို့ အိမ်ကိုတော့သေချာမသိခဲ့။
ဒီနေ့မတွေ့ရရင်မပြန်ဘူးဟု ဆုံးဖြတ်ကာ
ဆိုင်ရှင်၏စပ်စုလိုသောအကြည့်အား လျစ်လျူရှုကာ ပေတေထိုင်နေမိသည်။
ဆိုင်ကလည်း တစ်ထပ်ခွဲလေးဖြစ်တာမို့
အပေါ်ထပ်ကနေဆို လွှာငယ့်အိမ်ကိုသေချာမြင်နေရသည်။

နောက်ဆိုရင် လွှာငယ်နဲ့ခဏခဏဆုံနိုင်ဖို့
အခွင့်အရေးတွေကိုသူဖန်တီးရတော့မည်။
အစီအစဥ်တိုင်းကိုသေချာစီစဥ်ပြီး
ဒီကောင်မလေးကိုသူ့အနားပြန်ခေါ်ရမည်။
သူ့အတွေးနှင့်သူ ပြုံးနေတုန်း ဟိုဘက်အိမ်က
အပေါ်ထပ်ပြတင်းပေါက်ပွင့်လာသည်။
မသိမသာကြည့်တော့ လွှာငယ်မဟုတ်ပဲ
သူ့သူငယ်ချင်းဖြစ်နေသည်။
တစ်ယောက်တည်းနေတာလို့သိထားပေမဲ့
ဘယ်လိုဖြစ်လို့ သူ့သူငယ်ချင်းပါရောက်နေတာပါလိမ့်.......
.
.
.

''ငယ် ဒါစားကြည့် ကိုကိုကိုယ်တိုင်လုပ်ထားတာ လာ....ပါးစပ်ဟလိုက်
အာ......''

ပူတင်းအတုံးသေးသေးလေးတွေကိုခွံ့ကျွေးနေသောကိုကို့ကြောင့် မိုးမှာ ပါးစပ်လေး ဟပေးလိုက်သည်။

''အာ......''

စားမယျပွငျပွိီးကာမှ ကိုကိုသည် ပန်းကန်ကိုင်လျက် မိုးကိုကျောခိုင်းကာ အခန်းထဲသို့ဝင်သွားတာမို့ မိုးမှာထိုင်ရာကနေမြန်မြန်ထပြီးကိုကို့နောက်သို့ ပြေးလိုက်မိသည်။

''ကိုကို့ ''

''ကိုကိုရေ ဘယ်သွားမလို့လဲ''

ကိုကိုသည် မိုးကိုလှည့်မကြည့်တော့ပဲ
ခေါ်နေတာကိုမကြားသလိုပင် တခြားအခန်းတစ်ခုအတွင်းသို့ ဝင်သွားပြန်သည်။
မိုးမှာ ကိုကို့အားမှီအောင်ပြေးလိုက်နေသော်လည်း ခြေထောက်များသည် တစ်စုံတစ်ရာဆွဲထားသလို လေးလံကာ
ကိုကို့ဆီမရောက်နိုင်အောင်ဖြစ်နေရသည်။