Falling in love with Sunflower 🌻(Completed)

အပိုင်း (၄၇)

(ပထမဦးစွာ updateနောက်ကျနေလို့
တောင်းပန်ပါတယ်ရှင်...🌻)

Unicode.......

''ကိုကို တောင်းပန်ပါတယ်''

notification barမှာပေါ်နေသော မက်ဆေ့ကို လျစ်လျူရှုရင်း တွက်လက်စပုစ္ဆာကိုသာဆက်တွက်နေလိုက်သည်။

''မိုး ငါ့အသည်းလေး ဒီနေ့ငါနဲ့တူတူအိပ်မလား''

အနောက်ကနေသိုင်းဖက်ထားပြီး မိုး၏ပခုံးပေါ်သို့ သူ့ခေါင်းအားတင်ထားသည်မို့
ခင်ခင့်၏ သွားတိုက်ဆေးနံ့သင်းသင်းလေးသည် မိုးနှာခေါင်းဝဆီသို့လွှင့်ပျံ့လာသည်။

''ငါ ဘာမှမဖြစ်ပါဘူး စိတ်မပူနဲ့ နင်အိပ်ချင်နေတာမို့လား အိပ်တော့''

ခင်ခင်ဆီသို့သက်ပြင်းချလိုက်သောအသံသည်
တိတ်ဆိတ်နေသောညဘက်ကြီးမှာ ဟင်းခနဲထွက်ကျလာသည်။

''ကော်ဖီတွေလည်းတအားသောက်မနေနဲ့ဦး
အရမ်းညဥ့်မနက်စေနဲ့ ''

''အင်း.... good night''

အခန်းသည်တစ်ခါပြန်ပြီးတိတ်ဆိတ်သွားကာအခန်းထဲ၌ မိုး၏ဂဏန်းပေါင်းစက်နှိပ်သံ
တချက်ချက်သာထွက်ပေါ်နေသည်။
ကော်ဖီခွက်အားယူကာတစ်ငုံသောက်လိုက်တော့ အေးစက်စက်ကော်ဖီတွေက လည်ချောင်းထဲသို့အလုအယက်ဝင်လာသည်။
ခါးလိုက်တာ........

''ဒေါက်....''

လက်ထဲကဘောပင်အားပစ်ချလိုက်ကာ
ထိုင်ခုံကျောမှီဆီသို့ ဆတ်ခနဲမှီချလိုက်သည်။
ဆယ့်ငါးမိနစ်လောက်တွက်ရုံနှင့်အဖြေရရမည့်ပုစ္ဆာအား တစ်နာရီကျော်သည်အထိတွက်ရပြီဆိုကတည်းက မိုးရဲ့စိတ်အခြေအနေမဟန်မှန်းသိသာနေသည်။

''ဒီး....ဒီး.....ဒီး....ဒီး.....''

ဖုန်း vibration မြည်သံသည်တိတ်ဆိတ်မှုကို
ဖြိုခွင်းကာ အော်မြည်လာသည်။
ဖုန်းမျက်နှာပြင်ပေါ်မှ ကိုကိုဆိုသော
အမည်နာမလေးအားကြည့်ကာ မိုးမှာမျက်ရည်တွေဝေ့သီလာရသည်။
ပူပူနွေးနွေးထိခိုက်ခံထားရသောမာနနှင့်နာကျင်မှုများသည် မိုး၏စိတ်အားတမြေ့မြေ့တိုက်စားနေသည်။
ငါပြန်မသွားခဲ့လျှင်ကောင်းသား
ငါမကြားခဲ့ရင်ကောင်းသား ဟူသော
အတွေးများကလည်း ခေါင်းထဲ၌ တဝဲလည်လည်.....။