တောင်းဆု
🌼pann
Part (2)
ဘယ်ကိုမောင်းရမယ်မှန်းမသိတော့ ပိုး အိမ်ကိုပဲမောင်းပြန်လိုက်သည်..။
အိမ်ရှေ့စင်ဝင်အောက်မှာ ကားရပ်လိုက်ပြီး ခပ်သွက်သွက်လေးကားထဲကနေဆင်းလိုက်သည်..။
" အမေရေ...အဖေ့....မြတ်မင်းရေ...မြတ်မင်း...."
နောက်ခန်းကားတံခါးဖွင့်ရင်း အိမ်ရှိလူအကုန်ကိုအော်ခေါ်နေလိုက်သည်..။
" မြတ်မင်း....မြတ်မင်း...ကျွတ်..ဒီကောင်လေး ဘာလုပ်နေလဲမသိဘူး..ဟေး...မြတ်မင်း..."
ကိုယ့်အားနဲ့ရသလောက် ဆွဲထုတ်ပေမယ့် ထင်သလောက်နေရာမရွေ့..။
အငယ်ကောင်ကလည်း သွက်လက်ချက်ချာလိုက်တာများ မျက်စိတောင်နောက်ရတယ်..။
သည်လောက်အော်ခေါ်နေတာမကြားဘူးလားတဲ့..။
" အိမ်ကလူတွေရေ.. "
" ကျစ်.. ခက်ပိုး နားညီးတယ်..အဲ့လောက်အာဗြဲကြီးနဲ့ အော်မနေနဲ့..ဘေးပတ်ဝန်းကျင်လည်းအားနာတတ်အုံး..မိန်းကလေးဖြစ်ပြီး.."
အသံကြားလို့ ခေါင်းလှည့်ကြည့်တော့ ကိုယ်တော်လေးက headphone လေးကိုလည်ပင်းမှာချိတ် လက်တစ်ဖက်ကဖုန်းကို ကိုင်ထားပြီး နောက်တစ်ဖက်က ဒူးကျဘောင်းဘီတိုအိပ်ကပ်ထဲလက်ထိုးထည့်ထားတာ..။
ကူညီခိုင်းဖို့ပါဆို ကူညီပေးမယ့်သူရဲ့စတိုင်အနေထားက မျက်ခုံးတွန့်ချင်စရာ..။
" ဒီလောက်ခေါ်နေတာမကြားဘူးလား.."
" ကြားသားပဲ.. "
" ကြားရဲ့သားနဲ့ ဘာလို့မလာတာလဲ.."
" နင်ကရော အိမ်ထဲရောက်မှပြောလို့မရဘူးလား.."
ခွန်းတိုင်းကို ပြန်တုံ့နေတာ..။
" ကျွတ်..တော်..အဲ့ဖုန်းကို အိတ်ကပ်ထဲထည့်ပြီး ဒီကိုအရင်လာအုံး "
" ဘာလဲ.. "
သူက ခြေလေးရွေ့ရုံရွေ့ကာ ခေါင်းကိုစောင်းပြီးလှမ်းကြည့်လုပ်ပြီးမှ..
" အမ်...အမ်..အဟား..ခက်ပိုး.. "
ရယ်ချင်သလို ပြောင်ချင်သလိုမျက်နှာပေးနဲ့ ဖုန်းကိုင်ထားတဲ့လက်နဲ့ပဲ လူကိုလက်ညိုးထိုးလာပြီး ပြောလာပုံက..။
DU LIEST GERADE
တောင်းဆု (Unicode)
Romantik" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
